كل نفس تموت لو عاشت سنين//وكل ملكٍ غير ملك الله يزول

[frame="6 80"][poem=font="simplified arabic,6,white,bold,normal" bkcolor="seagreen" bkimage="" border="double,6,orange" type=1 line=0 align=center use=ex num="0,black""]

طالبك يالله مجيب السائلين=رحمتك ورضاك في يومٍ يـهـــول
يـومٍ يـشـيَـب عـيـون الناظرين=وفيه كل الناس في حالـة ذهــــول
ومن عظم مافيه ياربي تعين=تشخص الأبصار.. وتـحـيـر العـقـول
يالله اجعلنا بعفوك فايزين=وضمن من يارد على حوض الرسول
والحياه اوهام ياللي غافلين=والزمن دوار .. والدنيا خــتـــول
وكل نفس اتـمـوت لوعاشت سنين=وكل ملكٍ غير ملك الله يزول
وكل فصل وينتهي والواهمين=يحسبون ان (الربيع) أربع افصول
والشقي من غره ابليس اللعين=وبالمعاصي دايم يصول ويجول
ضاع عمره في دروب الجاهلين=ودايم الاعمار تقصر ماتطول
لين مات ولاترك علمٍ ثمين=ولا عمل صالح .. ولا اشداد وذلول
والحظيظ اللي جمع بين الثنين=يوم غيره في صعود وفي نزول
من كبر حظه جمع دنيا ودين=وعند ربـه والاوادم لـه قبول
ولو يلين الصلب عزمه مايلين=كنه بليهان شـيَـال الحمول
أن حضر يكحل عيون الحاسدين=وان رحل وان غاب تكفيه الفعول
وياعسى اهل الطيب دايم سالمين=حافظين السلم الاول والاصول
الرجال اهل الوفاء والطيبين=من فـدايـــاهم مفتشت العدول
وأهل النمات واللي منصتين=لجلهم لو كان من باب الفضول
عالم(ن) وقت الرخا متواجدين= ولا لهم ينشاف وقت الضيق زول
ومن يقصر في لزومه مرتين=ما أعـتـقـد (للثالثه) عنده حلول
ومن يجنب عن سلوم الاولين=لايواصلني ولا ابغى لـه وصول
ياجد أشباهه.. وانا جنبي متين=ولا يعد من الرجال الا الزحول
شاعر ومن روس قومٍ غانمين=صيتهم عـالـي رغـم خشم العذول
وانت ياللي لايسار ولا يمين=والله اني فـيـك مدري ويش اقول
والنصيحه كان لك قلبٍ فطين=والجهل دربٍ غـدا فـيـه الجهول
بختصرها كلها في كلمتين=ولكثيـر الـهـرج مـاعـنـدي ميول
زيَـن النيـه لك الدنيا تزين=وفي يـد الرحمن مفتاح القفول
تمت وقولوا معي ياسامعين=ياصلاة الله على وجـه الرسول[/poem][/frame]

-
-
-

ْ
لآ آملكُ سوءَ آلتّصَفيــقْ لك بحرآرهـَ
آهنئك يَ مبدع آستمر يآلَ روعتك مَتميزدآئماً
.. آنحنآءْةةَ قلميِ لسموك حُييتّ يْ بيآضَْ

والحيـاه اوهـام ياللـي غافليـن
والزمـن دوار .. والدنيـا ختـول
وكل نفس اتموت لوعاشت سنيـن
وكل ملـكٍ غيـر ملـك الله يـزول
وكل فصـل وينتهـي والواهميـن
يحسبون ان (الربيع) أربع افصـول

صح لسآنك مدد بلآ عدد
للقصيده الرآئعه وما احتوته من حكم ومعاني وتذكير
شاعر جزل
سلمت ولآهنت ,,

صح الله لسانك
ننتظر الجديد
قواك الله

صح لسانك
والله لايحرمنا ابدااااااااعك

صح لسانك يابعدي

ميزر بن طواله صح لسانك على هالابيات الجميلة الرائعة
ذات المسحة الايمانية اسأل الله ان لايحرمك الاجر على كل حرف قصدت به وجه الله
واسأل الله ان يجعل ذلك شاهدا لك ولي ولكل من مر على هذه الابيات الرائعة لاعلينا
رائع وربي ماقدمت لنا من نصائح واصل هالنقاء وع الدوام ...

صح لسانك ولاهنت

بسم الله الرحمن الرحيم

صح ابدانكم جميع ولاهنتوا

شكرا من القلب لكل من مر من هنا

لكم مني اجمل تحيــه ..

ياسلااااام يابن طواله
صح لسانك وعلا شانك قلت واجدت لاهنت ولاهان حرفك النقي

اقتباس: المشاركة الأصلية كتبت بواسطة ولد القصيد    ياسلااااام يابن طواله صح لسانك وعلا شانك قلت واجدت لاهنت ولاهان حرفك النقي

اهلالالالالالا وسهلالالالالالالالالا اخي الكريم

صح بدنك ولاهنت اشكرك على المرور الكريم

والاطراء الجميل

اجمل تحيه لروحك النديه

اقتباس: المشاركة الأصلية كتبت بواسطة ولد القصيد    ياسلااااام يابن طواله صح لسانك وعلا شانك قلت واجدت لاهنت ولاهان حرفك النقي

اهلا وسهلالالالا اخي العزيز

صح بدنك ولاهنت اشكرك ع المرور

والاطراء الجميل

اجمل تحيه لك

اللهم صلي وسلم على نبينا وحبيبنا محمد ماذكره الذاكرون
وعلى اله واصحابه اجمعين

صح لسانك وبارك الله فيك
لاهنت على النصيحة الثمينة
جعلها الله في موازينك

بسم الله الرحمن الرحيم

صحت ابدانكم جميع

اشكركم ع المرور ولاهنتوا

تحياتي للجميع