يابنات الكون ماشفتن سعاد؟

طااااب فاااالكم بالطيب والمسرات
جبت لكم هالقصيده عسى ان تنال اعجابكم

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يابنات الكون.. ماشفتن سعاد؟=وياوجيه الارض.. ما شفتوا سعد؟
السعاده لعنبوها ما تعاد!!=وأسعد قفا بطيره وأبتعد!!
أيتلوع قيس من طفل المهاد=ويتعزز جرح لاقالوا ولد
من بقايا سنين خلني رماد=باكتب حروف المساء عند الوعد
ياظلام الليل يالون السواد=ياهجاد الساهر اللي مارقد
ماهتنيت النوم ولا ذقت الرقاد=كل ما حاولت موق العين صد
في ظلامك غرد الهاجس وعاد=لين وقع بالحنايا وأستعد
كن في وسط الحشا مثل الجراد=طار سربه بالضماير وأجتلد
او دبيب النمل باوقات البراد=بالضلوع العوج يرقا مستند
صار قلبي لشقا والهم زاد=والهجوس تحل جوفه وتعقد
تنعقدبه عقد برقا بالحماد=تمطر مزونه ويرزم بالرعد
قمت أخيل البرق بالصمت الجلاد=ذكريات العام ماعنها مصد
كل ماضمدت جرحي بالضماد=عادة الذكرى مع جروحٍ جدد
مل صبري يازمن طال العناد=ماقويت البعد هد الحيل هد
جعل منهو لامني يجمع حصاد=مؤلم الأوجاع مثلي ويحصد
وجعل عينه تسهر بليل الهجاد=ماتذوق النوم.. لو قالوا رقد
ويارجال العز.. ماشفتوا سعاد!!=ويابنات العز.. ماشفتن سعد!![/poem]
قـــــيــــس

من بقايـا سنيـن خلنـي رمـاد
باكتب حروف المساء عند الوعد

جميل جداً النص
تكتب بمداد من ذهب
صح لسآنك ونبضك
ودام وهج عطاءك ياشعر
وطبت بسعآده لا تنقطع ,,,

.
.
.
الله الله
شَاعر مُتمَكِّن
ودائماً تجعُلنا بإنتظار وشوق لجديدك

x
x

صَح لسانك شاعرنا قيس
وسلمت ودمت على هذهِ الأبيَات الرائعة
تحيَّاتي لك

اقتباس: المشاركة الأصلية كتبت بواسطة على النيه    من بقايـا سنيـن خلنـي رمـاد باكتب حروف المساء عند الوعد جميل جداً النص تكتب بمداد من ذهب صح لسآنك ونبضك ودام وهج عطاءك ياشعر وطبت بسعآده لا تنقطع ,,,

على نيه صح بدنك
اختي الفاضله
لاعدم هالردود
طبتي بسماء التمييز
وطاااب فالك
تقديري لكي
اختي الفاضله

اقتباس: المشاركة الأصلية كتبت بواسطة ●عبدآلعزيز●    . . . الله الله شَاعر مُتمَكِّن ودائماً تجعُلنا بإنتظار وشوق لجديدك x x صَح لسانك شاعرنا قيس وسلمت ودمت على هذهِ الأبيَات الرائعة تحيَّاتي لك

مراقبناااا الغالي
عبدالعــــــــزيز
صح بدنك
ماننحرم ردودك
تحياتي وتقديري لسمو شخصك الكريم

صح لساااانك ابيااات جزله
لا هنت يا اخيي الغالي قيس

اقتباس: المشاركة الأصلية كتبت بواسطة حـــــلا    صح لساااانك ابيااات جزله لا هنت يا اخيي الغالي قيس

صح بدنك اختي حلا

طااااب فاااالك
اختي الفاضله
ولاتهونين
تقديري لكي

سرقت قلوبنا بابداعك
صح لسانك
وعلا شانك
ولاهنت
تقديري واحترامي

صح لسااانك واعتلى شانك

اقتباس: كل ماضمدت جرحـي بالضمـاد عادة الذكرى مع جـروحٍ جـدد

الله الله شاعر ملفت للانظار

صح لسانك واعتلا شانك على هالابيات العذبة

التي قدمتها لنا ..

اقتباس: المشاركة الأصلية كتبت بواسطة عقاب النهار    سرقت قلوبنا بابداعك صح لسانك وعلا شانك ولاهنت تقديري واحترامي

شاعرنااا القدير
عقــــــــــاب النهــــــــــار
صح بدنك
لاخلا ولا عدم هالتواجد
والحظور
مرورك بحد ذاته فخر لي
تقديري لك

اقتباس: المشاركة الأصلية كتبت بواسطة أدمنت حبك    صح لسااانك واعتلى شانك

ادمنت حبك
صح بدنك
ورفع المولى شانك
خالص التقدير بمرورك
المشرف
تقديري لك

فيس ابدعت .. اتقنت
سلم احساسك وصح السانك

اقتباس: المشاركة الأصلية كتبت بواسطة انفاس الرحيل    الله الله شاعر ملفت للانظار صح لسانك واعتلا شانك على هالابيات العذبة التي قدمتها لنا ..

انفاس الرحيل
صح بدنك
مرورك بحد ذاته
يجذب الانظار
خالص التقدير لكي
اختي الفاضله

سمو الذوق
صح بدنك
كلك ذوق
وتسمو بروح
العز
تقديري لك