البحث جاري عن حقيقة

الى كل من قال أنا شاعر الى فريق الشعر ومتذوقيه...

اليكم هذا النص بدون مقدمات :

الشـــعر شـــعاره فريـــــقه
خذها ثقه مـن دون توثيق

مــن اجلهم نشّــفت ريقه

واشعلت نيران الطواريق

تـــنفســه ضيّق شــهيقه
شاعر ولكن ناشف الريق
اولــع الســـاحه حريقــه
مـتمركزٍ في قمة طويق
مادامها ضيقه بضــــــيقه
صدري رهاوي مابه الضيق

لحظه ومن فضلك دقيقه

لوقلت لك حظ وتوافيق

اسلوب او حسب الطريقه
ولاهي بعد لعبة مطافيق
والبحث جاري عن حقيقه
تطيق والا تزري تطيق

امــا طـــــلع يلمع بريقه

من ماتكن ابها الصناديق

جواهرٍ تزهى عــــــتيقه
ويلاه ياكــــنز المعاليق
الموهبه علم وســـليقه
معطاه من رب المخاليق
تفرق شقيقٍ عن شقيقه
والحكم لوجيهن مطاليق
جتني على جروحٍ عميقه
متجمعه من غير تفريق
قـــــصيدةٍ مثل العـــشيقه
ليلاه ياليل العشــــاشيق
جزله ولاتـــــــصبح رقيقه
جــــــزله ولاتحتاج تدقيق
واخذت من بحره عقيقه
رغم المكيده والتلافيق
اجمع علومه في وثيقه
والملم شتات التفاريق
واكتب على اللي مايليقه
وافي ولاني من هماليق
الزهر من جمع رحيقه
شم الزهر نشوه وترويق
من بعدها حجاجٍ طليقه
يوم الفرح طوقه تطويق
والعز له نفسٍ تويقه
اتخايله من فوق وتويق

واللي يجي دونه رفيقه
مرام في روس الشواهيق

وصلوا على خير الخليقه

المصطفى خير المخاليق

....شعر : جميل مساعد

صح لسااانك
يابعدي
خالص التقدير

مسائك قوافي

صح لسانك ملياااار

على هذه الرائعه الشاامخه الجميله

لله درك شاعرنا


Thanks you الشعراء King



العنود بنت تركي

ارجو من مشرفي المنتدى تنسيق القصيده ... وشاكر و مقدر ... فضلا لا امر ...

اللهم صلي على محمد

حياك شاعرنا جميل مساعد
نورت وشرفتنا


صح فكرك وبوحك ونبضك لاعدمتك ويسعدك ربي
على منطووقك الرائع

كل الود والورد ياغالي

تقييمي

صح لسانك على هذه الرائعة والباذخة
وسلمت ولا هنت

والنعم فيك وبشعرك
وسعداء بانضمامك لكوكبة شعراء منتديات بعد حيي
في تطلع لجديدكم القادم

صح لسانك على هذه الرائعة

اقتباس: المشاركة الأصلية كتبت بواسطة قيس الحسيني    صح لسااانك يابعدي خالص التقدير

صح ابدانك... لك خالص تقديري وودي

قصيدة معانيها رائعه وجميلة
وشاعرا متميز واكثر من رائع

لا فض فوكـ