يامشغلن قلبي..!!

((الشيله راااقت للي وهي لشاااعر عبدالله ابن عون وحبيت اسمعكم هااالرااائعه))


((القصيده الخطيه يااامشغلن قلبي ارشيفيه من روحي الى ارواحكم))
[poem=font="Simplified Arabic,6,coral,normal,italic" bkcolor="black" bkimage="" border="none,4,gray" type=0 line=0 align=center use=ex num="0,black""]
يامشغلن قلبي عسى الله يجازيك=حتى الكرى من نوم عيني خذيته
وش حيلة اللي يسهر الليل يبكيك=حرق جفون العين دمع(ن) بكيته
حلمي تلاشى ونتهى صبر مغليك=وش عاد ينفع دام صبري قضيته
اقول يمكن هاجس الحب يدعيك=وترقا معي..بالمرقب اللي رقيته
تكثر على رجم الهقاوي مساريك=وتقراء نشيدٍ في غرامك هجيته
واقول.. يمكن في طريقي الأقيك=واعلمك بالدرب عن ما لقيته
اشرح لك الماضي واذكرك ماضيك=حتى تذكر جرحي.. اللي رأيته
واخذك بدروب المأسي وأسليك=واقول ذا دربٍ برجلي مشيته
الوعك بالحب حتى يبكيك=واعطيك منديلٍ بدمعي سقيته
واقول توك في غرامي واجافيك=حتى تشوف اشلون حالي طويته
راجع غرورك قبل تظلم لياليك=قبل يروح العمر وتقول ليته
العام يومني على الود شاريك=بعت الوفا بغرورك اللي جنيته
خنت الوفا يخاين العهد بيديك=انت السبب في كل جرح(ن) حويته
فتش بصدري بين الاضلاع تنعيك=كل المشاعر ولاحاسيس ميته
اقول!!!مات القلب ماعاد يعنيك=خلاص حبك من ضلوعي محيته
لو اطمع أن القلب يرجع ويدعيك=داخل لهيب النار بيدي رميته
ولو ادري أن قيسْ المواجع بيشكيك=جدعت راسي.. تحت رجلي وطيته!!
[/poem]
قيس

صوتيه جمييييييله
واتعب وانا اقول جميييييله ورووووعه
لا خلا ولا عدم


قيس
لك تميز خاااص بك
وروووعة قلمك لها طااابعها الخاااص في المنتدى

تسلم ياراااقي

قصيده رائعه بحد ذاته
وقصيده جزله
شاااعر مميز ياقيس

قصيده رائعه
يعطيك العافيه اخي قيس
لاهنت

حي الله اخونا الكريم

قيس الحسيني

صح لسانك مليااااار

قصيدة في قمة الروووعه والابداع

دمت ودام عزك