وجودي على الممشا مع الدوياسلطان

بسم الله الرحمن الرحيم
الشاعر / مشعل عسام التريباني الشمري
((وجودي على الممشا مع الدو ياسلطان))في 11\1\1435هـ

وجودي على الممشا مع الدو ياســـلطان(1)مع التختخ اللي مبطين عاوين ذيـــبه

مع الديرت اللي شوفها يطرد الاحزان(2)ديرة بنـــــي عمي هلا العزوالهيـــبه

ديرة رجالن تكــــرم الجــــاروالضــيفان(3)كبار الصحون اللي كرمهم نماريــبه

شمرهلا الطولات من ماضـــي الازمان(4)يوم المجاعه ســـــعد منهم معازيـــبه

اهل بـــــيوتن مـــــــايركـــب لها بيــبان(5)مفـــتوحـــتن للضـــيف كلن يهلـّيـــبه

بصحونهم كم قلـّطو مــــن جزال الضان(6)فوق الصحون اللي وساعن مقاضيبه

عســــا السحاب ليا نشـــــــا وانهمرودان(7)يرخــي على دار الرفاقه ســــواكيبه

لعله علـــى سلمــــى واجا لين ظلع ركان(8)تركـّــزســـحابه والهماليل يرخيـــبه

حقوقن صدوقن نافعن مايضــــــــرانسان(9)سحن غدق يسقـــــي جباله واداعيبه

يعل الســـــــهال الجرد ويســيل الوديان(10)يامــــا خضــــار القاع تاتي مناديبه

يامايبين العشـــــــــــب ويغطي الجيلان(11)تشوف ام ســــــالم كل صبحن تغنيبه

تخالط زهورالعشــــب فيها تجيك الوان(12)حماره والاصفر وازرق اللون تاتيبه

يازين الطيوراللــــــي بها يزعجن الحان(13)تنكس بوســطه كل صـــوتن تلاليبه

عـــــــزالله انه مـــنوت الهايم الــــولهان(14)هذا هو مناي ومســـكن المدن ماليبه


__________________

والنعم بشمر واهلها
صح لسانك شاعرنا
يعطيك العافيه ولاهنت

يسلم منطوقك على دي الابيات الجميله
الله يسعدك دوم شاعرنا الكبير ،

:

شاعرنا الفاضل مشعل

قصيده معبره الله يستجيب دعاءك وتستاهل شمر كل ماقيل فيهاوالنعم بالأجواد

اخواني الافاضل
اخواتي الفاضلات
شكرالكم جميعا على المروروالاطرى الله لايهينكم جميعا

:
:


صح لسانك مليار على ابياتك الرائعه

:
: