انا الياس والحسرة وانا موطن الحرمان + صوتية

يقولون يا شاعـــــــر قصيدك كثير احزان
واقــــول الشقى نبضي واحاسيس خفاقي

سألت القـــــدر مرة .. متى ترحل الاحزان
وقـــــــــــال انت ما تبرى ولا بالأمل باقي

فلا عــــــــاد ياتيني من اصحابنا شرهان
وينشد عن الفرحـــة وسيع الفضا ضاقي

انا الياس والحسرة وانا موطن الحرمان
وانا الوجــد والعبرة على ساقي اشواقي

تواريت عن ذاتي وانا حاضــرٍ لي شان !
اسوق الصبر نوبٍ وهــــــو نوب سواقي

واشد النضى حـــربٍ على ظالمٍ ما كان !
ولا نلتقي ظــــــــــــــالم ولا جفت احداقي

تمثنى النكـــــد روحي وانا واردٍ عطشان
برمضى الغبن حـــافي مع النوح ميثاقي

عـــــــــــــزومي تقدّيني وانا ميّسٍ بحلان
خـــذ الروح ياربي ترى الموت لي راقي

هــــــــلا بالكفن دامي على دنيتي شفقان
ولا ذقت من ماهـــــا ولا الوقت بي لاقي

عمر بن عبدالمحسن

يّ صبآح الجمآل والروعه
يسلم منطوقك شآعرنآ الفآضل على
دي الابيات الجميله والصوتيه الاجمل
ربي يسعدك وينولك مُرآدك يّ أنيق ،

عمر عبدالمحسن



يسعد صباح الشعر ويسعد صباحك

صح لسانك وسلم بنانك ولا هان منطوقك

ابدعت واجزلت يا رائع

سجل الاعجاب كله



تحيتي ...

صح لسانك شاعرنا
ابيات رائعه
يعطيك العافيه ولاهنت

سادني صمت طويل وماكاد افرغ من تخيلاتي حتى اسرع في فضاء الهمسات
نثرت حروفك فأنبتت
زهرة الكلمات حيرة خاطفه همسات مرهفه لمشاعر رائعه

عمر استااذي القدير
شاعر الاحاااسيس المرهفه
لا شلت يمينك يابعد حيي

تسلم يالامير

شاعرنا القدير صح فكرك وبوحك الراقي ياراقي
مايحرمنا منك
ومن فوح عطرك وعزفك
لاهنت ياغالي

اقتباس: المشاركة الأصلية كتبت بواسطة وتم بعيد    يّ صبآح الجمآل والروعه يسلم منطوقك شآعرنآ الفآضل على دي الابيات الجميله والصوتيه الاجمل ربي يسعدك وينولك مُرآدك يّ أنيق ،

صباح الرضا .. الله يسلمك .. شكراً

اقتباس: المشاركة الأصلية كتبت بواسطة بندر الساكت    عمر عبدالمحسن يسعد صباح الشعر ويسعد صباحك صح لسانك وسلم بنانك ولا هان منطوقك ابدعت واجزلت يا رائع سجل الاعجاب كله تحيتي ...

صباح النور .. شاكر ومقدر .. تحياتي

اقتباس: المشاركة الأصلية كتبت بواسطة همس الجنوب    صح لسانك شاعرنا ابيات رائعه يعطيك العافيه ولاهنت

صح بدنك .. ولا هنتِ

اقتباس: المشاركة الأصلية كتبت بواسطة عنود بعد حيي    سادني صمت طويل وماكاد افرغ من تخيلاتي حتى اسرع في فضاء الهمسات نثرت حروفك فأنبتت زهرة الكلمات حيرة خاطفه همسات مرهفه لمشاعر رائعه عمر استااذي القدير شاعر الاحاااسيس المرهفه لا شلت يمينك يابعد حيي

احييك .. واشكر كرم حضورك .. تحايا تليق

اقتباس: المشاركة الأصلية كتبت بواسطة الحسـيني    تسلم يالامير

الله يسلمك ..

اقتباس: المشاركة الأصلية كتبت بواسطة الـ ساري    شاعرنا القدير صح فكرك وبوحك الراقي ياراقي مايحرمنا منك ومن فوح عطرك وعزفك لاهنت ياغالي

صح بدنك .. ولا تهون يا غالي

الشاعر الفاضل

عمر

صح لسانك

والله يبعد عنا وعنك كل الهموم والاحزان

تقديري لك

:

قصيده اكثر من رائعه وجميله جداً

وزاد روعتها جمال الإلقاء صح السانك