صباح / مساء المحبه والأخوة للجميع
ابيات قديمه جأت على البال
قبل الرحيل اللي معه ترحل الروح=وقبل انهي ايامي هنا بعترف له
واظهر لها كل الخفى قبل ماروح=وصفحات قلبي كلها تنكشف له
هذا انا والشوق ذابح ومذبوح=وهذا انا والواقع شموع حفله
وهذا انا بقفي وانا كلي جروح=تبقى منك تذكار لي واحلف له
وهذا الخفوق اللي بنيتي به صروح=وهذا الحشا شق المحاني وشفله
وهذا الكلام اللي من الوجد مبحوح=وهذا السؤال اللي تسلل بغفله
هل سرقة النظرات للخلف مسموح=وهل روح من ينوي السفر تنعسف له
وينسى المكان اللي سكنتيه ويروح=ويامر بأطلال الغلا ماوقف له
وسور الصبر ماتهدمه غارة النوح=يحصِّن اركانه وبابه وقُفله
وتبقين ذكرى ذكرها ينعش الروح=وحكايةٍ كل الجسد يرتجف له
ومسك الختام اللي تعطر بها البوح=واسمك يصير لشعري بهمس قَفله
احترامي
العضو الأكثر نشاطاً هذا اليوم 
العرض العادي
