قصيده بخادم الحرمين الشرفين الملك سلمان بن عبدالعزيز حفظه الله )وينصر جنوده البواسل

لو القلم يكتب من اليوم للحول
ماقدر اوصف سيدي بالمثايل
وشلون اوصف سيدي يعجز القول
ماهي دعاياتن وبث ورسايل
سلمان يرهب بالمواقف لها افعول
شيخن ولد شيخن زعيم القبايل
وسيفن ليا قام العدو دوم مسلول
وملجاء لمن ضاقت عليه المحايل
وغيثن على شعبه كما طش هملول
وضلن لهم عن حر صلو القوايل
وسلمان ليامنه عطاء الشي مدبول
شي مؤكد والفعول الدلايل
ومشاء معاشن للمعافى ومشلول
والأرمله مشاء لها والعوايل
وبلغ ونبه محذرن كل مسؤل
عن ظلم شعبه بكل شتا الوسايل
ياسيدي لو نضرب العرض بالطول
ولو النفود تضم لجبال حايل
يرجح بها حبك على الصدر محمول
ياخادم البيتين واف الخصايل

الشاعر/خصر صقر الجبيلي الشمري

الله يحفظ الملك سلمان وحكومتنا الرشيده
وجيشنا البوااسل
وبلادنا من كل سووء

وصح لساااااانك ملايين
وتستاهل التقييم

شكرا لك

يسلّم منطوقك شاعرنا المميز
إلهي يسعدك وَ يرضيك
~

صح بوحك شاعرنا



ونسأل الله ان يحفظ بلادنا من كل سوء

الشاعر/خصر صقر الجبيلي الشمري

الف صح السانك يابعدي
ابدعت واجدت بكل شي لاهنت
يستاهل ملكنا ملك الانسانيه
حفظ الله بلادنا من كل مكروه

حفظ الله بلادنا من الفتن ومن كل شر
صح لساااانك على النص الجزال الرائع
سلمت ولاهنت ,,