الله يصلحك

مدخل






ناديت ياما تعال بينهمر مزني
وياما تعال إرجعت بالحزن محتفله

لا صرت آصوّت ويرجع لي صدى حزني
بضمّ قلبي على صدري وآسولف له








عمق





لا تجرّب فـي حديـث اللعـب طولـة بالـي
ولا تنبّـش ليـن تلقـى الكلمـه المقبـوره

شفني أبعد قـد مـا أقـدر للمكـان الخالـي
وأتنائـى عـن زحـام الألسـن المسعـوره

يعني الله يصلحـك ماهـو قريـب وصالـي
ولا أتشكل لأجل عيـن الشاعـر وجمهـوره

عند نفسي مايجـي مثلـي وشايـف حالـي
لا .. وأشوف إني بعين المبدعيـن إسطـوره

شاعرٍ مكسور بيـن الصمـت والـلا والـي
جغرف الأرض بقدم رجلـه وقـلّ حضـوره

مـا يونّـس فالـدروب إلا صـدى مـوالـي
وإبتهال الجـرح يـوم أطلّعـه مـن طـوره

وما يحرّك هاجسـي غيـر الطويـل العالـي
لا أرقب القلب الظلـوع ولاحـت المعمـوره

يمكن أجني ضيعة الماضـي وسـوّ أعمالـي
ويمكن إن الروح فـي هـذا الأمـر مكبـوره

فاهم إنت شلون ..؟ ماحن الفـؤاد لغالـي !!
عارف إنت ؟إن الطرق في غربتي مهجوره !!

كان تقدر ..!! لا تحـب أشباهـي وأمثالـي
دون أوضح لـك وخـل السالفـه مستـوره

روح حب اللـي تحـب وخلنـي فـي حالـي
واجد اللي يجهل إحساسـي وطيـب شعـوره

تبلـش بقلبـي لأنّـه مـا بـقـى فأمـالـي
غيـر أدرجهـا لحظـن الغبّـه المحـفـوره

وأنت ربـي يحفظـك عقـب الكـلام التالـي
كان عندك صورتي قطّـع عـروق الصـوره







مخرج







لي فـ الغياب أحباب
دام الحضور قبور
لا تقرّب الأغراب
دوم الغريب يبور
ويغفى النور ..
ولا أحسّ الحضور حضور ..
وأحسّ إنّ الغياب أجمل ..
تعال نغيب ..
تعال نروح للأخر ..
تعال أكثر من اللازم ..
تعال وبس ..







لـ ذوائقكم الفاخرة

مودتي

احترت ايهما اقتبس فالجمال
حين يكتمل يصعب اختياره ...!
فشكرا لجمال هذا الانتقاء الانيق
كأنت ...!

هلا وسهلا
بالشاعر الي شعوره تميزه بالذوق الرفيع
يسعد قلبك
كلمات غايه في الجمال
تسلم يدك وصح لسان شاعرها ذوق
يعطيك الف عافيه

هدوء ممتن لهذا التواجد لاعدم
مودتي

ذوق ممتن لهذا التواجد لاعدم

مودتي

.
براق
جمآل الأنتقآء هنآ يجعل صباحي مختلف
مترف بالألق شآعرنآ المميز
لاعدمناك ،،

هلابك شاعرتنا على النيه
نورتي المنقول لاعدمتك
مودتي

ذائقة لمسة القلوب براق الف شكر لك

هلابك براااق وأهنيك ع ذائقتك الرفيعة
لاعـــــدمنا وجووودك.

متميز كعادتك جميل جدا سلمت يداك شكرا

انتقاء راقي ياراقي لاعدمناك براق على ذووقك الرفيع

مستريح

ممتن لتواجدك لاعدم
مودتي

هلابك أكثر ابوطارق
ممتن لتواجدك
لاعدم
مودتي

أمير الشمال
ممتن لتواجدك
لاعدم
مودتي

الساري
تسلم من ذوقك
لاعدمناك
مودتي