مقتطفات شعرية (1)

[gdwl]

شاعر انا لاتاثقين بكلامي
لاقلت اصونك يمكن اني اخونك
كم قلت لك انك وحيدة غرامي
وانا بغرامي عشرةٍ يشبهونك

*
يامانصحتك خل عنك المظاهر
الى متى ياخوي ماعندك احساس
الفقر ماهو عيب يابو جواهر
العيب والله مدت ايديك للناس

*
قلت اسمعي ماقلتها زيف وغرور
كلمتك هذي امانه لاتعيديها
ماني على طرد الملذات مجبور
والحاجه اللي تهين النفس مابيها

*

كل ٍ يشوف الناس بعين طبعه
وانا اشوف الناس بعين طبعي
وكل ٍ بكيفه لا تفاخر بربعه
وانا افتخر بأن السناعيس ربعي

*
صاحبي يبشر بقربي دام ما صد وجفاني
ومن جفا او صد عني الله بصده يزيده
وصاحبي يبشر بعزه دام بالشده نخاني
ودام في وقت الشدايد مايبان الا الوليده

*
وقف على الشاطي وطول وقوفك
بس انتبه ! لاتتجه صوب الامواج
اخاف تغرق وعقبها مااشوفك
وانت الوحيد اللي له العين تحتاج

*
من قال لك مزيون غشك واعماك
الزين له اصل وعلامات وفروق
ياكثر ناس ٍ زينها يربك ارباك
ورغم الحلا والزين ... ماعندها (ذوق)

[/gdwl]

مقتطفات رائعة يابويوسف لاعــــــــدمنا وجووودك.

مرورك الاجمل طال عمرك

مقتطفات راائعه شكرا لك

تعيش يعقوب الله يعزك على هالمقتطفات الراقيه

العفو اخوي امير الشمال

ويعزك
حياك الله وتشرفت بمرورك

وفقك الله يعقوب وصح لسانك مليار ولا يسدون

وياك
وصح بدنك يالغالي

مقطفات جميلة جدا
صح لسانك شاعرنا يعقوب

صح بدنك
وتشرفت بمرورك

صح لسانك على هالقصيدة الجزلة
دام حضورك يالنشمي

صح بدنك
وحياك