((رجوم اليأس))

((رجوم اليأس))

ياما ويامـا فـي الليالـي تحريـت
آمال قلبٍ خيّـم اليـاس حولـه

وعلى رجوم الياس عديت وابطيت
أرجي الرجاء المفقود وارقب وصوله

وابطا علي في مرقبي ليـن مليـت
لين الفضاء بي ظاق عرضه وطولـه

تعبت في دنياي وأقبلت واقفيـت
وعلى مثل ماقيل يشعـب ذلولـه

اطرد ورا حظٍ على شوفه أشفيت
مدري متى ينهض ويقـرع طبولـه

كظمت غيض القلب قاسيت واخفيت
همي ولو طال الزمن ما نقوله

وكم عبرةٍ باقصى السراجيف كنيت
في وسط قلبٍ محكماتٍ قفوله

ويم الليالي رحت اجر التناهيت
وصدت وهي من فعلها بي خجولة

واقولها ياليت ياليت ياليت
وقتٍ مضى يرجع ويسرج خيولة

لكن قالوا ليت ما تبني البيت
متى الفرح يقبل علينا رسوله

عبدالله الدغيثر

يسلم لسانه الدغيثر ويسلم ذوقك نسمات ماننحرم منك

نسمات اختيار جميل صح لسان الشاعر شكرا لك

تسلمين ياعمري هلى ذوقك الراقي

نقل مميز واختيار مميز
صح البوح والاحساس

اختيار راقي ياراقيه

كل الود وباقة ورد