ياابو فهد ياعزوتي آسف على طول الغياب

عواد


[poem=font=",6,blue,bold,normal" bkcolor="white" bkimage="" border="none,4," type=2 line=0 align=center use=ex num="0,black""]
ياابو فهد ياعزوتي آسف على طول الغياب=الحال خافي وانت تدريبه ولاهو في يدي
الشاهد الله ماعلى مثلي ملام ولاعتاب=ماني مبرر غلطتي لاصرت تفهم مقصدي
الصمت والكتمان للمبلي مثل ستر الثياب=اليا كسبنا الستر هانت كل بلوى يابعدي
ماني على خبرك ترى الكابتن بعد خبرك مصاب=واصابتي غظروف بالركبه وانا حظي ردي
خذ موجز الاحوال والتقرير من فحوى الخطاب=وانا اعرف سهيل اليماني مايغار من الجدي
اببتدي بالفهرسه من قبل مضمون الكتاب=وابفرض انك قلت وش بك عكس غيرك تبتدي
هذا السؤال اللي طرح نفسه ويبحث عن جواب=والله يصبرني على بلواي لاضاع جهدي
انا العليل اللي علاجه بين جنحان الغراب=واليا اقتربت يطير بالجنحان واخوك يعدي
ياصاحبي ياصاحبي وش هو علاج الاكتئاب=لاطاول الرجال تسع شهور واصبح سرمدي
واسباب ماجاني سهوم عيون لباس النقاب=الله يسامحها وانا باسبابها متعقدي
يافاتنه خوفي من الله لاتزيديني عذاب=وشلون عينك تسهر عيون العباد وترقدي
وش تبين اكثر من اللي شفت يامال الذ هاب=يالعنبو حي العدو روفي بحال الاجودي
يالله عسى اللي صابني تكفير في يوم الحساب=ياكبرها ياعبرها آسم ذلولي وتغدي
مليار نكبه ماضيه هذا وانا توي شباب=وقف رصيد امسي ويومي وقافيهن غدي
ياراويتنا المحترم وش هي شروط الانسحاب=ابنسحب من حبها وانظر لبنتي وولدي
ابشر ترى اللي نفس الكربه عن المسلم يثاب=يرفع يدينه بالدعا ويعيدها بالمسجدي
التوريه ياابو فهد في جو معنانا ضباب=لاصرت نجم (ن)بالسما حنا بنورك نهتدي[/poem]


فواز



[poem=font=",6,green,bold,normal" bkcolor="white" bkimage="" border="none,4," type=2 line=0 align=center use=ex num="0,black""]
انا حـسـبت الـجـرح الاول فيـك ياعـواد طـاب=عقب الهجوم اللي حدث لك من رموش المعتدي
ظنيت خصمك يابوصالح عن شرور الحرب تاب=وعن شن غـارات الـغـرام الشين واللـيل اسودي
شـفـتـه تـرك كل البيوت بـقـصـف نـيـرانـه خـراب=وصارت مثل بعض الـديار اللي شـمـال المشهدي
وظنيت ابوصالح نسى ركـضـه ورى زول السراب=او يـسـتـمـع تـاريـخ نــجــد الـلـي رواه الـمـرشـدي
واثريك طـايـح ياعشيري عـقـب طـعـنـات الحراب=وهـذا الـذي خــلاك عـنــي يـابـوصـالـح تـلــبـدي
شكيت شيبك للـذي قـبلـك من الـخـفـرات شاب=وقعدت من ضيم الغرام بـنـفـس صـيـغـة مقـعدي
لا تشتكـي جرح الـعـنـايـد قـبـل تـكـمـيـل النصاب=وترى البساط اللي فرشنا صار يالـقـرم احـمـدي
مـمـنـوع تـشـكـي قـبـل تـكـمـل عام ياسمح الجناب=وانـتـه سـهـيـر(ن)بـالـحـمـاد وفوق جـمـر المنـقدي
تـقـعـد لــحـالـك ماتـخـاف الـلـيــل والا زول داب=وترقب بـروق(ن)في ديار الـزيـن نـوره يـصـعدي
وترسل سلامك للـحـبـايـب كـلـمـا لاح الـشـهـاب=تـصير عـيـنـك مـع نـجـوم الـلـيـل مـثـل الـمـرصـدي
وتقضي نهارك في شبـوك الـعـلـب او ذيك الهضاب=يـمـكـن جـحـيـمـك يابـوصـالـح بالـضـمـاير يسمدي
واصبر مدامك طعت نـجـوى فـي لـحونه مع رباب=وتابع بـرامـج شـيـخـنـا عـبـدالـعــزيــز الـمـسـنـدي
شكيت ناب لواحد(ن)يشكي وجـع عـشـريـن نـاب=رقـيـت جــلــديـه وهـو قـبـلــك بـراس ابـا عــدي[/poem]

عواد + فواز

صح لسانكم

وعلا شانكم

إبداع في هالمساجله الأكثر من رائعه

مدرستين منها نتعلم ونستفيد

لله دركم

حي الله الضيغمي
وصح لسانك ولسان ابن غسلان
على القصائد النادره والفريدة
تقبل مروري

عوادالعلي / فواز الغسلان

صح لسانكم لا هنتوا

عواد العلي وفواز الغسلان

والتقاء الحرف الرائع والقلم المبدع

حروف من ذهب صيغة للتاريخ

الله عليكم وعلى هالحس الراقي

[align=center]

عواد العلي
الحمدلله على السلامة
وعودا حميدا اخي الغالي
فقدناك في المنتدى
والف صح لسانك انت وابو فهد عنوان للتميز دائما
قصايد رائعة ود الواحد لو يغنيها

[/align]

مرحبا بالشعر والاحساس المتوهج وبالمعاااني الجزله

مرحبا بي روعة الحرووووف بحضوووور الاساتذه \\\


عواد العلي وفواز الغسلان

صوووت وصدي

لله دركم جميعا وصح الله الساااااااااان الجميييييييييييع


لاخلا ولاعدم على هذا الابداااااع


فووووق الوووصف طالت عماركم
\


لكم الغلا

اقتباس: المشاركة الأصلية كتبت بواسطة محمد الفريدي    عواد + فواز صح لسانكم وعلا شانكم إبداع في هالمساجله الأكثر من رائعه مدرستين منها نتعلم ونستفيد لله دركم

تسلم يالغالي وصح بدنك

اقتباس: المشاركة الأصلية كتبت بواسطة الشمريةالمجهوله    حي الله الضيغمي وصح لسانك ولسان ابن غسلان على القصائد النادره والفريدة تقبل مروري

تسلمين يالغاليه

وصح بدنك

اقتباس: المشاركة الأصلية كتبت بواسطة الحيران    عوادالعلي / فواز الغسلان صح لسانكم لا هنتوا

تسلم يالغالي وصح بدنك

اقتباس: المشاركة الأصلية كتبت بواسطة احس احساس    عواد العلي وفواز الغسلان والتقاء الحرف الرائع والقلم المبدع حروف من ذهب صيغة للتاريخ الله عليكم وعلى هالحس الراقي

تسلم يالغالي وصح بدنك

اقتباس: المشاركة الأصلية كتبت بواسطة نورالدنيا    [align=center] عواد العلي الحمدلله على السلامة وعودا حميدا اخي الغالي فقدناك في المنتدى والف صح لسانك انت وابو فهد عنوان للتميز دائما قصايد رائعة ود الواحد لو يغنيها [/align]

الغاليه نور الدنيا

الله يسلمك وماتفقدين اغلا

واذا عندك لحن وصوتك حلو غنيها

هههههههههه

صح بدنك

اقتباس: المشاركة الأصلية كتبت بواسطة سرحان    مرحبا بالشعر والاحساس المتوهج وبالمعاااني الجزله مرحبا بي روعة الحرووووف بحضوووور الاساتذه \\\ عواد العلي وفواز الغسلان صوووت وصدي لله دركم جميعا وصح الله الساااااااااان الجميييييييييييع لاخلا ولاعدم على هذا الابداااااع فووووق الوووصف طالت عماركم \ لكم الغلا

سرحان يابعد روحي لاتخليني ابكي

والله احرجتن وماادري وش اقول

لكن صح بدنك