ياليت لخبول الاوادم وزاره

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]

يـالـيـــت لـخـــبـــول الاوادم وزاره=ترسل لـتـوضيـح الحـقايـق مـناديب
لاجـل الذي غـادر مدارج مطـاره=من قبل لايـجـري صيانه وتـوضـيب
يـمـلـخ يـظـن الـطـيـب مـزة زقـاره=والـمـرجـلـه تـاتـي بـفـتـل الاشانـيب
والنمـل جـنـحــانـه سـبـايـب دمـاره=والعـين له طـب ومنـاظر وتشطيب
والـنـار تـبـدى والسبـايـب شـراره=وان ماطفـت ترمي بـزود اللواهيب
والـغـرب شـادوا بـالـثــريـا حـضاره=وحـطـوا بلـهـجـات المـخاليق تعريب
وخلوا دقـيـق السلـك ينقل حراره=وصار الهواء يـنـقـل علوم ومكاتـيب
وحـطـوا مواتـرنـا بـحـوض وغـمـاره=والـمـاء يـدوج بلا فـضاوه وتسريب
وبالليل يـمـشـي بالـبـضـايـع قـطـاره=وسـط السهال الـنـايـدات المجاديب
وصاروخهم يـقـصـف بـثـقل ومهاره=وهو بالسماء يـمـشـي بلـيــا مقاضيب
وحـطــوا قـمــر يـمشي ويتبع مداره=ولايشتعل جـسـمـه بنار المشاهيب
وشادوا على بعض الكواكب منـاره=وصاغوا على الذره مجاهر وتخـصيب
تـفـرض عـلـى كـل الخـلايـق قـراره=ويلقون وسط الناس قيـمه وتوجيب
بكـفــوفـهــم حــازوا مـقــام الـصداره=ومـنـدوبـهـم يشبه طيور الـمـراقيب
وحــنـــا سـوالـفـــنــا حــلــوم وعـيــاره=وكل بـأبـن عـمـه يصـوغ الشواذيب
صـغـــيــرنــا يـتـــبــــع عـواجــة كــبـــاره=وهذاك شيخ وذاك ولد الحـطاطيب
نفخر بفعل اللي غزى بيت جاره=والشغل في كسب المعيشه غدى عيب
وماكنت اظن السرق يصبح شطاره=والشغل يـمـسي من كبار العذاريب
ويـتـيـمـنــا يـشـكــي غـبــون ومـراره=والجـوع فــي جـوفـه رمـاح وكلاليب
يـقـضـب علـى بـاب الجـمـاعه خفاره=ولا له سوى رب البشر عـالم الغيب
وهـذا شـكـى عـمــه يـعــدل جـداره=وهـذا ضـرب خـاله بشـين المضاريب
وهذا رمـى الـغـافـل بكـذب ودعاره=يكذب ولايلـقـى من الناس تكـذيب
وهـذا ولــد رجـــل حـــلالــه حــمــاره=وهــذا ولــد رجــل يـحـوز المـنـاجيب
وحـنــا نـعـيـش الـعـمـر داخل مغاره=وافـخـارنـا بـفـعـول جـسـاس وكلـيب
نـفـخــر بــنــاس مـا تـبـعـــنــا مـسـاره=وصـرنـا نـخــالـفـهــم بـكــل الـمـشاريب
ودام الـعـقـــول الـيـوم هـذا شـعــاره=تـنـبــح وقـطـعان الـغـنم شـاله الذيب
لاترتـجـي وقـت الـحـرايـب جـســاره=ولا تـامـن الجـيران مسك العراقـيب
ونبقى عـلـى هون الدهر مـع غـباره=دام الندى يخزي وطبع الردى طيب
والـطـيـب لـلـــي فـــاتــح بــاب داره=ويـمـشـي بـدرب الـمرجله والمواجيب
في مـجـلـس يـجـمــع روايــح بـهـاره=عـنــد الــدلال الـمـتـعـبــات الـمحاديب
ولا حـط زيـجــات الـعــذارى تجـاره=يـبـي الـمـرابـح فـي مـهـور الرعـابـيب
هـرجــه يـجـيـبــه بـاحــتـــرام ووقـاره=ولا جـرجــر ربـوعـه بكـثـر المطـاليب
ولاقــاد لاطــراف الاجــاويــد غــاره=يـذبـح ويـصـلـخ لاجل عين المناصيب
ويـضـحـك بـمن يكسب بجهد وجداره=تـحت الغروس اليانـعات المراطيب
الـصـبــح يـركــض لـيـن يـقــفــي نـهاره=ويقـضي سواد الليل وسط المحاريب
هـذا الـــذي لامـــات مـوتــــه خـســاره=مثل الـنـجــوم الـغـايـبــات الـمغاريب
رجـل حــذف بـأول حـيـــاتــه جـمــاره=واقـفـى وخـلاها وهـو طـاهر الجيب[/poem]

يالـيـت لـخـبـول الاوادم وزاره
ترسل لتوضيـح الحقايـق مناديـب
لاجل الذي غـادر مـدارج مطـاره
من قبل لايجري صيانـه وتوضيـب

قصيده جزله
صح لسانك يالجزل
اول بيت عن الف بيت
الله يلبسك العافيه فواز الغسلان

عزن يعزك .. يابو فهد .. صح ألسااانك وسلم قلبك ..

أنا أشهد أنك ... أسطوره ..

لاهنت يابعد حيي .. على هالمعلقه .. المتألقه في سمااااااء الإبداااع ..

والحاكيه .. عن واقع مرير ...

فواز .. أنت غير .. لأنك .. راوية الجبل..

من نسل .. المكارم ..

أحتارمي .. وأجل تقديري ..

أخوك // هلال الشمري ..

شعر راقي ومن زمن الأصاله يابوفهد

لاجديد نضيفه أمام سمو هالحروف

سوى أنك مبدع وتكتب الحرف الاصيل

يسلمك اخوي فواز الغسلان
قصيده جزله
صح لسانك
ولا هنت ,

اختك
نواره الوايليه

اقتباس: المشاركة الأصلية كتبت بواسطة سيف الطنايا    يالـيـت لـخـبـول الاوادم وزاره ترسل لتوضيـح الحقايـق مناديـب لاجل الذي غـادر مـدارج مطـاره من قبل لايجري صيانـه وتوضيـب قصيده جزله صح لسانك يالجزل اول بيت عن الف بيت الله يلبسك العافيه فواز الغسلان

هلا وغلا اخوي سيف الطنايا وكل الشكر والتقدير

تحياتي لك

صح لسانك فواز الغسلان

الله يعطيك العافيه

لك مني اطيب تحيه

صح لسانك وفكرك الراقي
الله يلبسك العافيه فواز الغسلان

صح لسانك
ولا هنت ,

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
والنمـل جـنـحــانـه سـبـايـب دمـاره=والعـين له طـب .. ومنـاظر .. وتشطيب
[/poem]
[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
وحــنـــا سـوالـفـــنــا حــلــوم / وعـيــاره=وكل ٍ بـأبـن عـمـه يصـوغ الشواذيب
[/poem]
[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
ودام الـعـقـــول الـيـوم هـذا شـعــاره=تـنـبــح .. وقـطـعان الـغـنم .. شـاله الذيب
[/poem]

الشاعر / الراوي

فواز الغسلان

كتبت فـ آبدعت


صح لسانك

من آلفك إلى يـاءك


آلف شكر

وبعدها آلف تحيه

لكـ / ولـ شاعريتك الرائعه

[align=center][align=center]

صح لسانك على القصيدة


قصيدة وابيات روعه


تحياتي لك[/align][/align]

شاعرنا الرائع فواز الغسلان ..
هذه القصيدة تعتبر ديوان ومرجع لتصحيح الكثير من عاداتنا وتطلعاتنا
تبقى قصيدة من عيون الشعر الأصيل
لقد أرويتنا يا فواز .. نبحث عن مثيالت هذه القصائد منذ زمن
شكراً لإتحافنا .

صح لسااااااااااااااانك مليار

كفووووووو

مدري وش اقتبس كل بيت حكمه وكل حكمه مرجع لنا بقصيدتك

الله اكبر ماشاء الله

فعلا قصيده تعالج التعصب الغير مرغوب فيه

تسلم واسمح لي بنقلها باسمك مع حفظ حقوق المنتدى

صـــح لســانك
ابو فهد
إحساس رائع وكلام جزل

نتطلع الى المزيد من فيض مشاعرك


تقبل مني اجمل وارق التحايا