عيال شمر/ سيف . رشيد . سلطان

[align=center]بسم الله الرحمن الرحيم



اخواني اعضاء وزوار موقع بعد حيي أقدم لكم هذه الابيات المتواضعه
تفاعلن مع حادثة انقاذ حرم الأستاذ صالح الثنيان والتي داهمتها السيول
بعد أنقلاب سيارة زوجها في قرية مشار السياحيه بحائل وذلك يوم الثلاثاء
الماضي 17 / 5 / 1430هـ وكان ابطالها من ابناء قبيلة شمر وهم

القلب الشجاع / سيف النماصي الشمري
القلب الشجاع / رشيد الهمزاني الشمري



ولن انسى محاولت أنقاذ الاطفال الذين أستشهداء في مستنقع مائي
بقرية مشار السياحيه يوم الخميس الماضي وكان المنقذ لهذه الحادثه

القلب الشجاع / سلطان الشريهي الشمري



[/align]




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يومٍ لفاها الموت والموت زمر=جاها الشجاع الي غطى الموت ضامنه
سيف النماصي لعنبو من تذمر=والا رفض عن مد يمنى يمكنه
مدمن شجاعه سكرت(ن) به تخمر=سكرت شجاعه ياولد حي مدمنه
ورشيد يوم الناس زحمات سمر=صابت على وديان حائل نياشنه
شوف الشعيب شلون يالقرم حمر=من سوط يمنى رشيد ودع تهيجنه
عفيت عيال(ن) مابهم من تسمر=يوم المصور ماسكن به توازنه
واحد ينشد واحد المرت عمر=واحد رفع ثوبه .. خوفه يطينه
والي يردد هالمره حيل قمر=حيلن علينا ياعرب في تحزنه
الا جبان(ن) مانتهض يوم جمر=صاج الرجال ونخوت العز تفتنه
ول أنسى الشريهي سادة العز ثمر=قمة شهامه مرجله فيه تسكنه
سلطان يومه للوغادين شّمر=ماحسب لموته ولا ناشدن عنه
ارفع علم شمر وفاء عيال شمر=بيرق سعودي وحايل العز موطنه[/poem]


[align=center]
مقطع حادثة فيضان مشار التي هزت القلوب وابرزت هؤلا الابطال



صورة سيف النماصي مع رشيد الهمزاني لحظة الامساك بالمرأه


صورة سلطان الشريهي وهو يبحث عن الاطفال لأنقاذهم ( رحمهم الله)


وتقبلو تحياتي
طلال خاتم الشلاقي[/align]

ألا يابعد حي هالراس ياطلال الشلاقي


أنت من ناس وافين مشهود لهم بالحميا والطيب
والمراجل

وماهي غريبه عليك مثل هالابيات الراقيه عالية المقام

بفرسان من قيمة هؤلاء الابطال

والله ماهي غريبة عليهم الله يعزهم ويفتح لهم ابواب الخير




تسلم تسلم تسلم على نبضك الرائع وحروفك الذهبيه ياشاعرنا الراقي


مميز في كل حالاتك ياملك

طلال الشلاقى
تسلم على الروح اللى بداخلك والاحساس والحماس
لمن هم اهل للرجوله وانت واحد منهم صح لسانك
يالغالى وعلا شانك ونعم والله بعيال شمر ولهم البيضا بالدنيا
واجرها بالاخره ورحم الاموات واسكنهم فسيح جناته وامواتنا واموات المسلمين اجمعين
صح لسانك عدد ماهل هماله على حايل وعلا شانك
ولاهنت



اخوك

طلال الشلاقي

صح لسانك والله يبارك فيك ع القصيده الراقيه

دمت في حفظ الرحمن

ارفع علم شمر وفـاء عيـال شمـر
بيرق سعودي وحايل العـز موطنـه

والله والعشر تنعام
من عزوتي الشمريه
وفديت حايل عاصمة شمر الازليه

الشاعر القدير

طلال الشلاقي

صح لسانك ملياااااااار على القصيدة الجزله

وماهي غريبه عليك الحميا ياشاعر المواقف

دمت ودام ابداعك

تحياتنااااااااااااالاخويه

[align=center]

ماهو غريب الطيب عليهم
طلال الشلاقي
صح لسانك وقف شعر راسي قسم..!!



[/align]

اخوي [align=center]طـــــــــلال الـــشـــلاقي [/align]يابعد حيي هالراس
اول شي صح للسانك
وثانيا هذي عوايد شمر الصخى و الشجاعه
وأشكر النماصي و الشريهي و [align=center]الهمزاني[/align]
على هذه الفزعه التي تكتب في التاريخ و تتناقلها الأجيال
سلمت يمينك ياخوي طلال على هذه الابيات


[align=center]تقبل مروري[/align]

أخوكــ [align=center]هــــ الشمال ـــاوي[/align]

تسلم والله يستاهلون هذا العشم فيهم

طلال الشلاقي

صح لسانك ابدعت بكل كلمه
والشجاعه وارثينه من زمان

طلال الشلاقي

صح لسانك ملياااااااار على القصيدة الجزله

مشكوررررررر أخوي على هالقصيده وربي يستاهلوووون وفديت عياااااال قبيلتي والله

عفيت عيال(ن) مابهـم مـن تسمـر
يوم المصور ماسكـن بـه توازنـه
واحد ينشـد واحـد المـرت عمـر
واحد رفع ثوبـه .. خوفـه يطينـه
والـي يـردد هالمـره حيـل قمـر
حيلن علينـا ياعـرب فـي تحزنـه
الا جبان(ن) مانتهـض يـوم جمـر
صاج الرجال ونخـوت العـز تفتنـه >> بردت تسبــــــدى بهالأبيات



ارفع علم شمر وفـاء عيـال شمـر
بيرق سعودي وحايل العـز موطنـه
صح لسـ ـ ـ ـ ـ ـانك وعلا شـ ـ ـ ـ ـ ـ ـانك



...

طلال الشلاقي
صح لسانك موفق بإذن الله ... لك مني أجمل تحية .

ارفع علم شمر وفـاء عيـال شمـر
بيرق سعودي وحايل العـز موطنـه

ونعم فيكم ياشمر
عاده فيكم الطيب والنخوه
صح لسانك


تحيتى

تحياتي
لكـ ياالشلاقي
ويستاهلون الممدوحين
احـــــــــــتراماتي