أميرة عرش قلوبنا / جديدي لكم

بسم الله الرحمن الرحيم


اليكم جديدي واتمنى ان يرتقي الى ذائقتكم وان ينال راضكم ...


مدخلـ

في زهوا
وفي اختيال
غنت الحلوه يالال
واقبلت ترقص لبوها
في تغنج وفي دلال
جت وفي يدها شهادة
وتنتظر منه الهديه
قال انا فدوة عيونك
تدللي يا احلى بنيه
قالت اممممم
في تغنج محترم
قال هاه اش بغيتي
تبغينا انزور المدينه
والا الى مكه اهتديتي
قالت لأه
حمد لله ع السلامه
وقتنا زاد احترامه
قول تم
بورش والا انفنيتي
والا اقولك
ما ابي اكلف عليك
بس ابيها كامري
والا ابيها
مثل سيارة حنان
كل شي فيها جنان
تكفى تكفى
لا تكسر خاطري
رد آآآه آآآه آآه
ياعرب ويش السواه
بنت ما تعرف تسوق
لا ولا يمكن تروق
قبل عام
راح اخوها
في هديه مماثله
منهم اللي علموها
هالأماني السافله
ثم ناظرها وقال
بس في بالي سؤال:
منك ادور له اجابه
ياغلاي بسألك
والله يكفيني عذابه
تعرفي انتي تسوقي؟
ردت علمني الفسوق
اقصد علمني اسوق
لإن هذا ابسط حقوقي
ما بقى فينا فروق
بس لا تنسى يابابا
تكتب السياره بأسمي
احتمال اروح طابا
والا ازور بلاد وسمي
قال خير واي خير
صرنا في اتلى زمن
ومن علامات القيامه
تكثر احداث المحن

******
بعدما جتها الهديه
قامت وباست كفوفه
وقالت انت احلى بابا
وآآآهـ يابكره نشوفه..!!
ومن صلاة الفجر اخذها
هيا ونروح المخطط
هناك بجنوب الرياض
الله الله يا سعدها
شوي شوي وهي تنطط
عطرها بالزهر فاض
كانت الحلوه فهيمه
شالت اللثمه وساقت
قال ابوها يوم ضاقت..!!
لو يشوفونك جريمه
قالت انت ماعليك
دق باللطمه جواري
بس اشر لي بيديك
وين ياذات الصواري
والرجوله ذيك ذيك
آآآآهـ ياعمري حذاري
النهايه فيك فيك
هم واوشك إقترابا
فأكتبي لأمك رساله
(ليتنا بقينا غلابا
ولا ارتقينا للــ...)
بس خير واي خير
صرنا في اتلى زمن
ومن علامات القيامه
تكثر احداث المحن

*****
بعد يومين افقدوها
شمعة البيت وسراجه
رن ع الجوال ابوها
ردت خير تبغون حاجه..!!
قال وينك.؟
قالت امر..!!
قال امانه بس وينك..؟
قالت يمه واش علامه
لا تحسبني بسافر
لا لا يرحم والدينك
رحت في كشتت بنات
بإستراحه بالثمامه
فيها نت وفيها شات
ووسطها خيمه جميله
فيها لمه من الشتات
بس اقولك شئ افضع
شئ ممتع وفي محله
اتفقنا الصبح نطلع
شلة ع الصمان رحلة
نبغى صيد ونبغى جو
ونبغى ليل وشب ضوء
واحتمال انا نبات
ادري رحله مو بسهله
ومالها الا البنات
بين عج وبين نوء
وبين قيعان ووحوش
مانبي زحمة مدينه
ولا نبي جلسه بحوش
بس يابابا فديتك
قالوا لازم من كنود
حتى لاضعت اهتديتك
ثم ترشدني أعود
قال خير واي خير
صرنا في اتلى زمن
ومن علامات القيامه
تكثر احداث المحن


(( أميرة عرش قلوبنا ))

[poem=font="arial,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياليت ماضينا يعود/عهد السواني والبلاد=ويزين حرث ديارنا ونعيش في خير وسعه
الحال مال ولا بقى/فينا من الهمّة جلاد=الله يلطف حالنا /ضعنا بوسط المعمه
فيروس صاب ديارنا وصار منتجها كساد=لا خير تزرعه ارضنا /ولا بقايا نجمعه
لو كان حربي بالخلا/والله لأخليها رماد=بس المعارك بالحشا واشلون روحي تمنعه
الأرض خصبه للجنا والنفس يحكمها الجهاد=والدين يرسم سيرها حتى الطموح ومطمعه
الأم معها جنتي /والأخت فيها الإعتماد=والبنت شعرة لحيتي والزوجه حبى تجمعه
حورية الدنيا نعم / بعيوننا منذوا المهاد=كالجوهرة /ولبيتها مثل الزوايا الاربعه
اذااستقامت في البناء تشتد داري بالوتاد=تكفينا جورك يازمن ما فيك غير الصرقعه
وتصير بذرتها جمال وانتاجها نعم الحصاد=وتصون دار المملكة من كل حاسد تردعه
واشلون لا صارت كذا في الخلا وبلا عتاد=والذيب يعوي بالفلا /ولقت نهايتها معه
يا بوي هو انت السبب والا سببها الإجتهاد.!!=والا سنينك يالضياع/الجفن حار بمدمعه
فمع مهند يالميس/ضعتى وضيعتي الوداد=ومعك بدأ نزع الحيا وانزاحت كل الاقنعه
يبه لتذكيرك فقط /اذكر إرم ذات العماد=واشلون صارت دارهم واذكر هروب المرضعه
اذكر اذا جاك السؤال واجابة لايمكن تعاد=وزرك ووحدك تحمله /ولا شفيع يشفّعه
هنا هنا حرفي صرخ قدام ما يبدأ الحداد=وقبل لا يخرج لنا /علم ن يزيد الزعزعه
نبغى الملاك تبقى ملاك بعيوننا حتى اللحاد=أميرة عرش قلوبنا /شهد الحان ومنبعه
هذه أمانة مننا /وجزاك من رب العباد=الله وولاك أمرنا /ربان كل الاشرعه
اختم حروفي بالمنى/يعود للهمّة جلاد=ويزين حرث ديارنا ونعيش في خير وسعه
[/poem]



مخرج


[align=left]
[poem=font="arial,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] من بعد ماهي أميرة كالسلاطيني=تأمر وتنهي وتتدلل ومنسرة
خلاص برتاح من جبني ووديني=ما عاد تبغى لها سواق بالمره
نرتاح يا هالعنا /والله مساكيني=لا صار كل ن له ادركسون بفتره[/poem]

[/align]


شعر


احمد المنتشري
بوح القصيد

10/5/2010م

حجز فاخر.............

الغالى
ابقى مع الابداع
ومليون مع مليون ولايكفون
صح لسانك وجاد بنانك واعتلا شانك
كم انا بشوق لمتابعة جديدك
تقديرى واحترامى
اخوك
عقاب النهار

[align=center]
[glow1=CC0000]
بوح لقصيد
كلمات جميله وصعب جدا ان نشوة اللوحه
تسلم الايادي على هالروعة ماقصرت





كل التحايا

شـــذا

[/glow1]
[/align]

صح لسانك شاعرنا
بوح القصيد والابداع
احساس صادق بحروف لمعت في سماء الشعر
كما عودتنا وتعودنا منك
دمت بابداعك محلقا في جو الابداع
يابعدي لاهنت

صح لسسسانك ملايين يالطيب
ابيات رائعه كروعة صاحبها

ودي

صح لسااااااااااااااااااانك ملايين
راقيه وشيخه والله

صح لسانك مليون

مشكوووووووور وبارك الله فيك

قصيده رااائعه الجمال ,,

صح لسانك حتى الرضا

شاعرنا الراائع

بوح القصيد

على هذه اللوحه الراقيه وشامخة المعاني ,,,

التي أتحفتنا بها .. فصح فكرك ونبضك ..

وسلمت أنامل خطت ,,


تقبل مروري المتواضع لرائعتك

وتحياااتي ,,,

بأنتظار جديدك الراااقي ,,

صح لسانك بوح القصيد
قصيده مهما قلت عنها
فلن اوفيها حقها
فصح لسانك حتى ترضى

السلام عليكم ورحمة الله وبركاته ... صح لسانكـ وقصيدهـ صعب اوفي حقها وش ماقلت وكررت رإأإأإأئعـــه جدآآ جدآآ ومتماسكه بأروع الذكاء
وننتضر جديدك شاعرنا ..........ليـتـه يجــيٍ]ٍ

شاعرنا ,,,بوح القصيد ,,,

صح الله لسانك ... قصيده ممتعة للغايه ...

الله يعيطك العافية .... ودمت كما تحب ...

تقديري لكـ.

اقتباس: المشاركة الأصلية كتبت بواسطة بُسٌ لُحظٍهَ    حجز فاخر.............

بكل شوق انتظر عودتك باطلالتك الفاخرة

الى ذلك الحين

دمت بخير

مميز هو قلمك

مميز هو نزفك

مميز هو حرفك

كلمة تميز قليله في حقك

حضور رائع ,,,

الشاعر الجميل احمد المنتشري

دائما ماتتحفنا بالجمال والعذوبه
واليوم تعديت إلى ماهو أبعد من ذلك جمالا وروعه
كتبت فا أبدعت
وصورت فتفننت

صح لسانك ملايين ولايسدووون