ياللي تطبعت الجفا

السلام عليكم ورحمة الله وبركاته

انا صارت لي ضروف وابطيت عنكم والعذر والسموحه

وهي قصيدة طازجة اتمنا تعجبكم

( ياللي تطبعت الجفا )

ياللي تطبعت الجفا من سواياك.......خلك على طبعك وانا اللي بجافيك
ان كان قطعت المواريد من ماك.........وانت الوحيد اللي ملكته بيديك


يحقلك تجفا وتاثق لرجواك...........وتوهم حياتك محد اليوم ناسيك
يا صاحبي يمكني اقدرك وانساك......لأني تعودت الجفا من تغليك


شخصن ليا جيته من الشوق ما جاك.....واليا حكيت بزين حكيك يخليك
واليا صفيت وجيت وافي تحداك.....وليا شرحت اللي بجوفك يعنيك


وشهو تضن ردود فعلي من سواك.....بالله قلي مابي الصمت يطغيك
مدري تعبت او هي تناحت بك خطاك........ولا عجزت وحالك اليوم تشقيك


واللي يعل النفس يوم اني القاك....وابي العتب من ما بجوفي يصاليك
تقول ما جافيت حسن نواياك....هذي ضروف ولازم الوقت ينبيك


وتردها وتقول يوم اني ابغاك.....رحت وتركت اللي قضا ليل يدعيك
كثر الحكي ما يروي الغل عن ذاك.....الي بجوفي من سواياك يبليك


رح وابتعد واقرا ملامح حلاياك.....خل المرايا وصف حضرة معاليك
ما فاد كدي لا ولا فاد رجواك.....وما فاد كثر الحب من دون تشكيك


غلطت زماني جيت منا ومناك....كلي لجل عينك بس ما نفع فيك
منت الوحيد اللي حنانك تهواك....غيرك كثير وما بقا شي بيديك


مدام تقدر للجفا بقدر انساك....وخل اللي غرك عن الحب يغنيك

وسلامتكم