{ .. ميـّت وانا حيّ .. } ... !

السلام عليكم ورحمة من الله وبركاته ..
كلماتي نثرتها متمنيا ان تجد بعض القبول ..


.
.
.
.
.

قالت تحب ؟ وقلت ميّت وانا حيّ .. !
.......... شوفيْ عُيوني واسْبحي في بحرْها

عُوميْ على موج المدامع بلا مَيّ
.......... واقْريْ من اصداف الحقيقه خَبَرْها

هاتي كفوفك واشْبعي ضامري كيّ
.......... محتاج لك بين الضلوع وْ نحَرْها

تسْمر مع عْيونك على عتْمتي ضيّ
.......... كل النجوم بْحانتك يا قمرها .. !

بعْض الخيال فـ ليلهم لامس الغيّ
.......... كلّ ٍ لقاها وانتشاها وسِكَرْها .. !

ياللي شفاة الورْد بانفاسها زيّ
.......... عطْر الحنين اللي شَرَب من نهرْها .. !

دام الهوى يطْوي معاليقنا طيّ
.......... ليش الخطاوي مِنْك حظّي قِصَرْها ؟

ركِّز معي يا حظّي الظالم شْويّ
.......... بعْض الذنوب { الله } عشانك غفَرْها .. !

يا سايق المزنه على هامتي فَيّ
.......... كَمِّل جميلك واسْقني من مطرها

ذا لي سنه يابس ولا ذقْت لي شيّ
.......... ريقي نِشَف دون المزون وْ قدَرْها

طالبْك انا وانْ عدْتها ثانيه عَيّ
.......... { ليله } أبَرْوي خافقي من سهَرْها




.
.


سوالم ,, يا عزوتي