نــــدم بـــعــــد النـــصيحـــه

القصيده اللي انصح به الذيب جبته لكم قبل ........هالمره نبي عليه
واجبت لكم هذه دمتم بقراتها

[poem=font=",6,,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]

يا جال ماعينت ملعون الاصلاب=اللي يزوع الصوت قرب المعازيب
هو اختفا زوله على طلع مرقاب=ولا انحدر غدره علينا باترهيب
مهما اختلف طبع ذيابه ولاكلاب=يابقى غدر جساس يوفي به كليب
شيمة غدر يزهبها فتل الشناب=وشيمة وفاء خطابها ماله انصيب
ياذيب شفت الدم بكفوفك أخضاب=مقفي ظهر في نهشت السبع ياذيب
الطعنه اللي بظهر تجدع ارقاب=ليته تجي من وجه بعض القصاصيب
ياشينها لا جتك من بعض الاقراب=مدري تشيله طيب ولا بها العيب
وجروح قلبك تمسحه بعض الغرآب=كنك تقول ان الستر شقة الجيب
هم يسئلونك ليه ماعندك اصحاب؟=الموت كل الموت بعض الاصاحيب!
يامسعفن في جرح مامنه اطباب=ركد محامل فزعتك ياملا الطيب
وكلن يجيك بفزعته حفنة اتراب=هذا قبر مرحوم ماله مطاليب
ياالله بامانك يوم توديع الحباب=وياالله تجملني... بـ بعض المواجيب
ياذيب طبع الغدر كبرك بذيآب=وياكلب ياشيمه وفاء صغّر أكليب!!
[/poem]

قيس