((.. يــــا حــــســــيـــــن ..))..* جديد *..

السلام عليكم ,, ورحمة الله وبركاته ,,

صباح الخير للجميع , ومساء النور والسرور أيضاً لكم ,,

وأزف لكم ,, هذا النص .. آملاً أن يصل لأذواقكم ,,,



[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياحسين سلملي على داعج العيـن=جارن لكم ياحسين حلو الصفاتـي
جارن لكم ياحسين سبب لي البيـن=جارن لكم ياحسين عـذب حياتـي
ياحسين منها ماخذيـت العناويـن=ألا أسمها مريـم برفحـا تباتـي
ياحسين والله لو تصف المزاييـن=من بينهن تزهـى بكـل الحلاتـي
مريم مرام القلب والعين ياحسيـن=مريم مرام الروح ليـن المماتـي
ياحسين لأجله جبت أنا البيت بيتين=ولعيونها ياحسين تنطـق شفاتـي
ياحسين خذها جملتن بين قوسيـن=من غيرها ياحسين يجمع شتاتـي
أم العيون السود والمبسم الزيـن=من غيرها ياحسين تصلح مهاتـي
هي طفلتي ياحسين مالـه لدييـن=غنجا غنوجن بالحـلا والحلاتـي
ريم الفلا ياحسين مالـه شبيهيـن=عطها سلامي وأخبره في حكاتي
عطها كلامي وأخبـره بالمظاميـن=وأبد القصيده بالشجـن ياغناتـي
قله يقول هـلال بعـد السلاميـن=يازيـن لطفـك لاتسبـب فناتـي
أنت الورود اللي سقتني حميميـن=وأنت النسيم اللي حرمني مباتـي
وأنت الصباح اللي به أهلين سهلين=ياعيد ميـلادي وذكـرى مماتـي
أرجع علي لاتتبـع اللـي مقفيـن=ماغيرك أحدن يعلم اللـي بذاتـي
تذكر صباح السبت مع ليلة إثنيـن=هـذي مواعيـد اللقـاء يامناتـي
وتذكر مكانن يسمرونـه حبيبيـن=وتذكـر هدايـا حبنـا ياغـلاتـي
تكفـى طلبتـك يامرامـي ترديـن=وألا حرامن ماهتني فـي سباتـي
قطع الوصل يازين ماهو من الدين=تكفـى حبيبـي لاتخيـب رجاتـي
ومن بعدها ياحسين عطها العناوين=أما تجـي ياحسيـن وألا وفاتـي
ومن بعد موتي خذله وصاتين=عطهـا بقايـا دفتـري ياشفاتـي
والثانيه قله وفاتي بسكين=من طعنتك واليوم فات الفواتي
سبت مماتي هجر من هم عزيزين=وأمانتك عطها مكان العزاتي
خله تضمد قلب ذاق الأمرين=خله تروح البيت لوهي فتاتي
قله يقول هلال لا لا تنوحين=عزي هل المقتول هذي وصاتي
مع السلامه والغلا والبساتين=والورد الأحمر والعنا والشقاتي
هذي نهاية شاعرن ذاق الأمرين=مر الممات ومر غدر البناتي[/poem]

وسلامتكم ,,,

أخوكم // هلال عزيز ظاهر الشمري ,,,