وشلون أنام وعيشتي كله منام ..:

[align=center]

بسم الله الرحمن الرحيم

السلام عليكم ورحمة الله وبركاته

بداية هذا البحر اسعى جاهدا لنسبه الي وتسميته طرق النايف نسبة الي لاني بحثت في كتب التاريخ ولم اجد من كتب عليه

وهو التزام قافية واحده للتفعيلتين الاولى والاخيره على المربوع فتصبح لديك ست قوافي تزيد من الموسيقى الداخلية لتجعلها سيمفونية وليست قصيدة

بالنسبة للقصيدة فهي رثاء لاناس تذركرتهم ومنهم عمي الشاعر عبيد الزميلي رحمة الله عليه والذي تعلمت منه الشعر واختي وعد التي توفيت وهي صغيرة ولم تكمل سنة من عمرها

[poem=font="arabic transparent,5,burlywood,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
غنا النهار يسابق الليل ويغار = والليل أغار بظلمته في كل دار
عزم المدار يسبب اشراقة نهار = هذا النظام معادلاتٍ بالتمام
يوم الصبيح بليلة القمراء يبيح = يسمح ظبيح ولا عبا بكثر النبيح
صبح يشيح بنور ضوٍ مستضيح = اجلا الظلام وعاد صبحه باستلام
ليل سكين يتبعه صبح حزين = متعاقبين اخوان وما فيهم حنين
طول السنين أخوان ولكن غايبين = يحكم مقام الصبح بأعدام الظلام
لين العصر يأتي ويرجع ينتصر = يبدا الحصر للنور بأمر مختصر
والليل اصر الا يغادر منتصر = آخر كلام الكون ماشي بانتظام
اكتب حروف تصاغ من بين الظروف = ولولا الظروف الناس وش له بالحروف
نفسك تشوف انك بداخل هالصفوف = من اهتمام الناس ولا هي كلام
تفعيلتين ان طولت بي ليلتين = اما تزين او عادت الجزله تبين
تفعيلتين اخوات والثالث عوين = طرقي لزام وكيفي ابي الالتزام
بادي صغير ادري ولكني كبير = واقع مرير الناس ما تبي الخشير
تبدا تغير تقول ماهو مستنير = حكم الظلام ومثلي النور بظلام
المعرفه بنكٍ وبيدي مصرفه = والمرجفه جنبت درب المرجفه
يالمسرفه ماني بناقص تكلفه = بعدك سلام الروح فيني استقام
حروفنا تنبي عن ابدا صروفنا = حروفنا تحكي عن اقسى ظروفنا
من جوفنا ليت السعادة تشوفنا = بس المرام يبدد احبال الغرام
وقت العزا والحزن لوجيهه غزا = قلبي وزا حب نسيته بالعزا
آسف نزا قلبي وفجأة ارتزا = وشلون أنام و علتي فقد العمام
يا عبيد انا في دنيتي زاد الخنا = ولا العنا يا عبيد شفته بالظنا
مالي ظنا بس المصايب باسمنا = عقبك يظام الذيب ويشنا بالمقام
وسط القبر هو عاد تكتب بالحبر = ولا الحبر حبل تقطع بالصبر
ضاع السبر والشيخ في سجنه حبر = مخلف إمام اللي على غيره عدام
سلّم على خالي وجدي والملا = واختي ولا تنسى تبلغها الغلا
قل ما سلا لله وربي ما سلا = الا الغرام وصورتك فوق الغمام
نايف وعد والا نسيتيني بعد = ما ابتعد لا والذي اجلا معَد
عندك ابد روحي أنا وجه السعد = عينك تنام او تسهر الليل بعسام
قل يا ذكي هو ظل عشقً ينبكي = هذا حكي والا الغوالي تنبكي
لا تشتكي يرحم وعد لا تشتكي = شوقك حرام ان كان باقي بك حرام
وقت العزا والحزن لجيوشي غزا = قلبي وزا دنيا نسيته بالعزا
آثره نزا ولباقي الدنيا رزا = وشلون أنام وعيشتي كله منام
[/poem]

نايف يوسف الشمري
5 / 4 / 1431 هـ
الأحـــــــــــــــــــد

[/align]