.., العواصـــف ,..

مع الود والاحترام والتحيه


[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا اللي جرحت بكلمتك رايق البال=وش صار يا طرف الخجل وش طرالك
مدري حداك من الولع سيف خيّال=والا يمينك لخبطتها شمالك
راحت على صدر الغلا بعض الاقوال=وناشت متون(ن)تاقيه من حلالك
زانت لك اللحظه وغيّبت الافعال=والهرج من راس اللسان استوالك
ودي اقوله كاش وافك الاقفال=لكن توقفني ملامح خيالك
انت بخيالك لك مكانه ومنزال=هل يا ترا ترضا يجيها بدالك
ماهو هنا سر القضيه والاشكال=المشكله وش راح لك وش بقا لك
احسب حسابات العواصف والاحوال=وانا على نبض المشاعر كذا لك
كلمه بدل كلمه ولا ني برجال=ان ردني دون الشموخ الهوالك
ماهمني حجم المصايب والاهوال=واكيد عنّك من حكالي حكالك
وانت تعرفني واصعب العشق قتال=اعشق ولكن ما خضعت لجمالك
مادام راسي يلبس شماغ وعقال=اموت واللي حدرهم منحنالك
[/poem]