انقلاب المبادي والمفاهيم

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
دنياك ساوت راعي الطيب بطروش=وساوت عزيزالنفس بالعفن واللاش
في هالزمن يصير وضع النذل خوش=ويصير راع الطيب ياصاحبي ماش
هذا زمان(ن)فيه ماينفع الهوش=ولاينفع الطيب فعوله ولو هاش
ماينفع الاعندك املاك وقروش=كل(ن)يبيك ليااصبحت حالتك كاش
والا الفقير اللي به الهم منقوش=لاجا البشر تصدعنّه وتنحاش
يالله دخيلك صرت افكر ومربوش=من هول تغيير المبادي بي ارباش
الكذب والحيلات سوت لها جيوش=والنصب يبني له عمارات واحواش
خارت عزايمنا ولو نشتها نوش=طاحت وكفنها الرديين بقماش
مجاملات اللاش للعم حنتوش=ومجاملات العم حنتوش للاش
كل(ن)يبي من صاحبه مال ملطوش=علاقة(ن)منها الرديين تعتاش
فعلاً هذولا جملة اشباح ووحوش=مافيهم اللي يزرع الطيب ببلاش
مشوا على درب(ن)معقّد ومغشوش=اشرفهم اللي صار للناس غشاش


[/poem]