أهداء الى أعضاء المنتدى

الله ياوقتن مضالي وأنا أصـــــــــــغير
أوكـــــــــب الـعالم بنظـرات عينـي
أحس حــــــــالي رأشدن بعمري أكبير
وأنا البراءه وطــــــهرها يكتسينـي
ماتتعبن حـــــلوم رأسي بتفكـــــــــــير
ولا طـالع المقفي بشرهات فينـي
أنام بـــــدري وأقــــعد الصبح بكيــــر
مال للتعاسه من طريق (ن) يجيني
من الفرح كني مـــــع الجـــو بطــــير
أذكــــر كـــــــلام أمي وقولة جنيني
خلك حــــــول البيت ولا تقرب البير
العــــب يسار البيت والا يمـــــيني
أتابع الهريفي ومـــاجد مـــــع الطرير
المــــستدير ومتعــته... تعتلـــــــينـي
وكرتون سالي ياهـــــــو يعنيلي كـثير
عقب الغنى صارت بحالن حزينـــي
ولاء زمـانن فـــــات ماضنتي يصـير
جــــانا زمان العار بيح كنينــــــــــي
لايازمانن فات نذكرك بالخـــــــــــــير
معذور لو أقفيت عذرك سمــــيني
صاب البشرالحسد وبــدمــــــه يســـير
لــــو تبتســـم الحقد بقلبه دفينـــــــي
تبتز بنات الناس بمقطع وتصـــــــوير
يساومـــــه أفضحك وألا عطيـــــنـي
حسبة خواته يلحقه منه تشــــــــــــهير
يرضـــــي عليها العار قلبه لعينـــي
شف المراهـق كل يومن بتطـــــــــوير
صــــبغ الصبايا فـــي وجيهه يبينــي
كتبت أنا عن نوع مـــــــن دون تزوير
وأرجو العـــذر من كل منهو فطينـي
عنوان زمنا لاتشاور ولاتشــــــــــــــير
أشره علــى نفسك وقل أعذرينـــــــي
لايازمانن فات نذكرك بالخـــــــــــــــير
معــــذور لو أقفيت عذرك سمــيني

شعر : عــكاش@ الشمري