[ الشوق ] ناحل و[ الفرح ] ميتٍ جوع ..!!

السلام عليكم ورحمة الله وبركاته

بلغكم الله شهر رمضان
وبارك لكم فيه واعانكم على صيامه وقيامه ..
متوااضعه لقلوبكم قبل آهدآبكم ..آآمل ان تنال اعجابكم ورضاكم ..

،

[poem=font="traditional arabic,6,firebrick,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] الوقت..! جاير وأكثر الناس [ خداع ]=ولا غرني به كل خايب ومقطوع
كان البشر تلبس على وجيهها قناع=ليه [ الغدر ] في نهجهم صار مشروع
وليه [ الخيانه ] بهالزمن صيتها ذاع=وإلا الوفا..! اصبح للوهم درب وفروع
[ خل العتب ] يكفي تطاولت الاوجاع=[ الشوق ] ناحل و[ الفرح ] ميتٍ جوع
محتاج..! أفضفض وآشتكي وين الاسماع=الله على [ الطعنات ] لاجتني جموع
ذنبي آساير بالخطا [ زيف ] الآوضاع=مسامح وعنواني الوفا بكل موضوع
عشمت صبري بالغلا والآمل ضاع=وآسقآني من[ نبعة الاحزان ] قرطوع
لين الهموم استوطنت بين الآضلاع=وصكت على صدري من الضيقه دروع
هذا جزى؟ اللي صار للضيق مطلاع =يصبح بضيق ويسهر الليل موجوع
وإلا أنه لدرب الوفا دوم تباع=يلقى المصير بواقع الحب [ مخدوع ]
ماحزّ في خاطر نديمك ولااااع=غير الشموع اللي ضوت! واطفت شموع
وتدري!! وش اللي [ يذبح العاشق ] بساع؟=غرس الوفا اللي [ بطينة الوقت ] مزروع
[/poem]

وكل عـام وآنـتـم بـخـير
آخوكم :
حمـدان سـلـيـمـان