,, القنص,,

مع التحيه والتقدير لكل العابرين



[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] ماحرك الخاطر مع القنص تحريك=الاّ التنحي مع خلي النحايا
رجمٍ يباين لك ورجمٍ يخفيك=وارض صبر تغريك فيها الشغايا
زولٍ يزاول لك وزولٍ يباريك=ظل انعكاس الشمس خلف المرايا
وناسٍ على طيب المخوة تخاويك=وما يحرجون الاّ بطيب السجايا
والطير يابو سالم الحر يغريك=لا صار فيه من المزايا مزايا
لنه على شرد الحباري يهقويك=يهوش با المطراد هوش الطنايا
لا هد با الخمس الدقايق تباريك=كلٍ يبارك من عطيب السوايا
يرضيك لا منه طلع فوق يرضيك=يكشف مع المطلاع خبث النوايا
هذا هو اللي مع هوا النفس يغنيك=ويعطيك من صعب الهدايا هدايا
طرد الولع لمساير الناس يدعيك=ويرضيك حتى لو تدوس الحيايا
واهم شيٍ ما تخاوي صعاليك=تعطي وفا والعكس تلقى العطايا
واطلب يابو سالم عسى الله يعافيك=نعم الخوي ياكوشحن الخفايا
وماهي غريبه منك من طيب اهاليك=ناسٍ على العليا تقود السرايا[/poem]