][ .. أبشري .. ][

.
.
.





مساؤكم شعر ..

إسمحوا لي بهالكيبورديه .. لعيونها .. !



أبشري .. يا بعد عمري وروحي إنتي .. أبشري






.
.
.
.







إسْمحي لي واِبْسِطي راحة يمينك
.......... وان خذلْتك جِعْلَها تقْطَع يديني !

يَشْهَد اللي عَزِّني باحْلى سنينك
.......... ما عطيتك من رخا .. لا تظْلميني !

نفْسي احْرِمْها ولا غيري يهينك
.......... فِدْوِتِك روحي وْما تمْلك يميني . !

مِدِّي كْفوفك أبي لمْسة يدينك
.......... من عطايا ربّك الخالق عطيني . !

واطْردي خوفك ورى صحْوة يقينك
.......... ليتها تبْطي على شانك سنيني . !

قلْت [ احبك ] وانْهمر مكنون عينك
.......... إرْتعش في داخلك قلب ٍ يبيني .. !

ذابت حْروفي على جمْرة حنينك
.......... كيف ابسْلى وانتي دْموعي وعيني ؟

كنّك الدنيا وانا كنّي سجينك
.......... كلّما يطْلَق سراحي تسْجنيني . . !

داعبي من لطْفك وذوقك وزينك
.......... صادق احساس ٍ نبَتْ مِنّي وْ فيني !

وابْشري باللي مضى بيني وبينك
.......... إنّي ارْسم وجْهك بْصفحة جبيني !

واكتب الزّبْده [ ترى هذا رهينك ]
.......... إفْرحي لبّى جمالك واسْعِديني .. !



.
.
.