لا صرت انا وياك ياناعمه غير

السلام عليكم

هالقصيده الله يسلمكم له سالفه
فيه وحده انك نيم حقه (((ناعمه))) نشبت في حلقي الا تكتب قصيده عن القهوه
وكانت حبوبه وكل مادخلت تجي على الخاص وتسلم وتسولف له شوي
الزبده اني صكيته في هالقصيده ومن بعده ماشفته في الخاص هههههههه شكله قالت وش هالمنتهي مايعطى وجه ههههه



[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لا صرت انا وياك ياناعمه غير=في جال خبرا والغضى شبت النار
ماغير انا وياك واثالث الطير=انا يمين الطير وانتي عن يسار
بدري طلعنا ولمحاري على خير=والجو غيم وريحت الجو الازهار
كذا يجي للهيل والبن تقدير=وبعترفلك في صغيرات وكبار
ابعترف بالحب من دون تفسير=عز الله ان الحب يابنت جبار
ان قلت حبك كسر القلب تكسير=اكذب عليك وراعي الكذب بالنار
وان قلت لك عندي معزه وتقدير=يشهد على الله جلاب الامطار
ذي وجهتي يابنت من دون تفكير=وان كان ودك تالي العلم الاخبار
ياعشقتي درب الهوا فيه تدوير=وانا على هالدرب يابنت دوار

[/poem]