ذيــــبٍ عـــــــــوى

/
السلام عليكم ورحمة الله وبركاته :

يشبه الكثيرمن الرجال بالذئب خصوصاً إذا كان حاد الطباع صارم مقدآم ,,,,وغيرها

وحاولت أسرد قصة ذئب أصيب بطلق ناري وأسهب الكثيربمطاردته وقص دمه فكانوقناصته يمشون على جرة دمائه ويطاردونه في الجبل من راس الى راس

وطبعاًكان ينادي والذئاب عندما تجد بعضهامجروحاً زادت الجرح وأكلت بعضها وبقمة التوحش

وما كان منه ألآ أن أخذيقنب ويجرعواءه من القهر والالم ـــــــ وطبعاً لاأخفيكم بأنه قد تعشى من خيار الحلال وكانت لشخص أستنجد بمن حوله لقتله

وصراحه حاولت أشرح حال هذا الذئب الذي تعاطفت معه كثيراً

ذيب عوى به ثاير القفش صاطيه=جبه خباطٍ ماطله عاقه أمصيب
جرالعوى عابت كفوفه وواطيه=يقنب بصوتٍ جره بخوف ويليب
خوف الوحش لامن تقفاه راميه=يتبع نزف دمه يزيده بترهيب
وآعزتي له طالبه جاه قافيه=وينطرضلام الليل لعلّه تغيب
يزبن بغار وروس ملطٍ تأويه=ويدعي قهر لعل ذيبٍ له إيجيب
يدعيه ضنه يوم يدعيه ينجيه=وأن جاه أليفه زودالجرح تذريب
حدوه طلابه على جال وآديه=ماله جدا غير العوى والتقانيب
يلعق نزف دمه يضنه إيدايه=ولياذآق طعم الدم زاده بتعذيب
ياذيب ياذيب الخلالك مشاريه=ولك طبع وأوصافٍ إذاقلته تشيب
لياشاف حاف وواردٍمايعشيه=ماينهزع ياكودياخذعشا الشيب
يسري بظلمة ليل وخطاه تقديه=ولايدْلي ألآبالسمان المناجيب
وياذيب بك وصف الشجاع وهقاويه=تشره على الطيب ليا أدليت وتطيب
ترقب قبل تدلي وكنك تحاكيه=خبري حذرولياهرول يزيد تجريب
تخص صيدك بجزل اللم باغيه=تدلي تزيد القتل فطره وتخريب
لك مخلبٍ قاطع رهيفه مثانيه=والناب حده شاذرٍ راسه إيهيب
ماله خوي لوهوبطيبه يخاويه=غدار ياذيب الخلاطبعك يشيب