ياخال لو كلن يقيد بعيرهـ

بسم الله الرحمن الرحيم
الشاعر\ مشعل عسام التريباني الشمري
خالي ابو سعود يشتكي من اهل الحسد والنميمه يقول كثرو في هذا الزمان فكتبت هذه الابيات بهذه المناسبه
((ياخال لوكلن يقيد بعيرهـ))في 2\12\1434هـ

ياخال دنيانا تراهــا خطــــــــيرهـ(1)تضحك بســن وســـــــن به سم ثعبان

تظهرلنا مســـــكن يفوح بعــبيرهـ(2)وتخفي سمومه بين رمشـــه والاجفان

ياخـال لو كلن يقــــــــيّد بعــــيرهـ(3)ماصار به رجلن علــى الهرج ندمان

ولو كل رجالن يحاســـب ضميرهـ(4)كان المطـــــرماينقطع طول الازمان

مالك ومال اهل الهـــروج المثيرهـ(5)اللـــــي تروج با السوالف على شان

يحاولون الرجل ينكــر عشـــــيرهـ(6)من شان مايبقا على الارض صدقان

ناسن تشـــيل الهرج وتحط غــيرهـ(7)ويحمضونه لين يزهـــــــو بالاعيان

اللي ســـــوالفهم طــوال وقصــيرهـ(8)وصـــاعليهم شــيخنا طــــيرحوران

بن ســــــعيّد يوم وصــا صغــــيرهـ(9)يقول من يسمع هلا الحكي خسـران

والخاطر اللي حط عندك حصيرهـ(10)عـــندي تغــدابك وعــــندك تعشـان

ليته كفانا الهرج شــــــــره وخيرهـ(11)ونبقا مثل مـــــاكان احبّه وخـــلان

من هرجهم لاتشيل وزن الشـعيرهـ(12)خلـّه تروح خــوط بدون بجــدران

يموت راع الحكـي نفســــه حقيرهـ(13)ويعيش عيشة ذل اهانه وحــــقران