ياليت يا قلـب العنـاء لـو تناسـاه

[poem="font="simplified arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاو احليك يا الرجوم المسماه=اللي ليا شفتك تذكرت حايل
راع العيون الناعسه وين ممساه=قولي ل اجاء عنها يجيب الدلايل
ثم انشدي سلمى و راس المحناه=والعرق والوادي وحزم الخمايل
وجدي على شوف البيوت المبناه=اللي ذراها يحتمى كل طايل
ياليت يا قلب العناء لو تناساه=اللي تبا من دونه الوقت حايل
واللي خلط من هيبة الشعر حناه=اخط له بحروف شعري مثايل
[/poem]

مجاراة الشاعر العلم.سعيد بن غالب الحارثي

[poem="font="simplified arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نهمة شجيع اراس من طول يمناه =والقرم في راسه قوي الصمايل

وفعل ودلاله صاغ جزل اتحلاه =وصفً على معناه من صدق قايل

ويانايف الناجي سعد من تمناه =وسعد الهنوف اللي لها الفكر مايل

ولالوم نايف صافي الود مشهاه = في بنت قـومً كاسبين الجمايل

وقلب المولع مايغـير لمنحاه = ويعطي على شوف الوفيه جزايل

وليا خلطة الود والشعرجيناه =قول الصحيح وعندي الشك زايل
[/poem]

مجاراة الشاعرالعذب.مساعد الجليدي

[poem="font="simplified arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مما بقلبي قلت اسوي مجاراه=وابدع من القيفان جزل المثايل
القاف هيضني مشدّه ومبناه=يذكر جبالٍ شامخه حول حايل
نايف عساالله بااجزل الخير يجزاه=جدد جروحٍ بالضماير سمايل
مثله جرالي بالمودّه معاناه=خمسة عشر عامٍ عيوني تخايل
برقٍ ينوض بمزنته مانثر ماه=بين الرجا والياس شفت الهوايل
مع جادلٍ ماشفت بالبيض حلياه=مثل الكحيله من خيار الاصايل
عندي وكلّ ٍ له مع الناس مشهاه=شطرٍ سمعته من قصيد الاوايل
[/poem]

مجاراة الشاعر العذب.محمد العواد
.

[poem="font="simplified arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سجّل معك عقب الجليدي مجاراه=الطرق هيضني لبدع المثايل
حرفك يابن ناجي انا كل ما اقراه=القى لغلا سكان حايل دلايل
ودامك على الواقع تعيش المعاناه=عاداتكم يا حرب بدع الجزايل
شعرك وشعر مساعد بـ قوّ معناه=أَشْعَل بميدان الغرام الفتايل
للي غرامه تل قلبي من أقصاه=بين القصيم وبين رفحاء وحايل
خشفٍ تميّز في ذكاه ومزاياه=كن الشعر بيني وبينه رسايل
الى متى في ظل حبّه وذكراه=تحدني عنّه سلوم القبايل
وانا على وصله وشوفه ولقياه=اشفق من الرمضى لوبل المخايل
[/poem]

مجاراة الشاعر العذب.ماهر الذيابي

.

[poem="font="simplified arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشوّق في مبدا قصيّدك على الآهـ =والشعر غرّد يا عريّب الســــــــلايل
ميّر التوّجد هزه الشـــوّق وضنــــاه=عقب البيوت أللــــي سواة الخمايل
صح الله لسانك على حلو معنــــاه=جزل ٍ ليا من جيّت جبت الجـــــزايل
[/poem]