{{ ديوان الشاعر \ نهير النمش \صفق الهواء }}

((الــعــنــود))


http://www.b3b7.com/vb/showthread.php?t=75105

[poem=font=",6,seagreen,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
العنود اللي شكت بعض الحبايب=
***ليتها ياليتهـا غضـت نظرهـا

النشايب ماتجيـب الا النشايـب=
***والصدور تضيق من زايد كدرهـا

البسيطه تنتظر وبـل السحايـب=
***والمنابت بشرت ميـت شجرهـا

ان تعدت للوجه تبـرك ركايـب=
***وان تمادت بالغلط بيّن خطرهـا

ياعزيزه ياذليله مـن مصايـب=
***بينت معنى الكرامه في خبرهـا

علموهـا للوجاهـه والطلايـب=
***واتركوها تختلس شيمة قدرهـا

لوعوها واجهدوهـا بالكذايـب=
***ماعطوها فرصته تضرب وعرها

ياهل المعروف ظلم الوقت شايب=
***والخطايا والمثايل مـن بشرهـا

ماورى صدر السفيه الا الهبايب=
***ولاورى صدر الحكيم الا دررهـا

الضلوع اليا كضمت تخفي لهايب=
***والدموع اليا ذرفت يصعب قهرهـا

اعذروها لاجفت كـل القرايـب=
***واذكروها لاعبرتو مـن بحرهـا

والعنود اللي نست كل الحبايـب=
***ليتهـا ياليتهـا دارت ظهـرهـا
[/poem]