الردي ماني بحاله ولابيله غلا

[size="5"]

بسم الله الرحمن الرحيم
الشاعر\ مشعل عسام التريباني الشمري

((الردي ماني بحاله ولابيله غلا))

يكفي اني غالين عند كـــــــــل الطيبين (1) والردي ماني بحالــــــــه ولابيله غلا

عن غلا الرديان حنا ترانـــــــا مغتنين (2) مايشّرفنــــــــي غلاهم ولافيهـــم حلا

الردي ماني عشيره ولاهو لي عويـــن (3) عايفه مابــــي شرابه ولابيلـــــــه كلا

مانرافق كود حرن عشير الغانميـــــــن (4) ابلجن يزود فعله علــــى كل المــــلا

ساطين وقت الملازيم حلحيلن فطيـــــن (5) كامل الاوصاف راع اليمين الاخطلا

كاسبن كل الجزيلات ذبّاح السميــــــــن (6) هو عشيري وافتخربه وله منّـــي ولا

والردي خله يولــــــي وراع النيتيـــــــن (7) عشرت الرديان كله غرابيــل وبــــلا

لايغرك يوم يضحك تر الخايب ذهيـــــن (8) الحصيني بالذهانه على غيــره عــلا

يالله اني طالبــــــــك ياْلهي يامعيـــــــــن (9) يا الهن فوق سبع السموات اعتــــــلا

ترفع الطيّب وتقطع جذور الخايبيــــــــن (10) لاتكثرّهم على القاع يارب انــــزلا

والله اللي كوّن الخلق من ماءٍ مهيــــــــن (11) ماكرهت من الاوادم مثل من يبخلا

والكريم اللي فعوله تســــــر الناظريـــــن (12) انطحه من كل قلبي واقدم له هــــلا

ايه احب اهل الصخا كل وقت وكل حين (13) واكره الممسك ولاحط لي معه عملا

كل من يبخل بالاموال مغلول اليديـــــــن (14) اكرهه لوهو للادراج من ماله مــــلا

مثل شحم الكلب يكرم جناب السامعيــن (15)حارمن في شرع الاسلام محدن له كلا

[/size]

شاعرنا القدير \مشعل التريباني
صح لسانك ملايين على
الابيات الجزله الرائعه
وسلمت يمناك على ما خطت
ولاهنت

صح الله لسانك اخوي مشعل
قصيده رائعه
عساك للعافيه

صح لسانك
ودام نبض قلبك
دمت بالف خير

مشعل

صح لسانك وعلا شانك

ابيات جزله من شاعر جزل

سلمت ولاهنت..

صح لسانك

كلمات رائعه

يعطيك العافيه ياارب

تحيااتي لك

عشت عشت على هالشيخه
يامالا العافية

شكرالجميع الاخوان والاخوات على المرور المشرف والاطرى الراقي الله لايهينكم

تسلم على الابيات
قواك الله

بوح وابدااااااااااع جميل
سلم نبضك واحساسك

مشعل التريباني
عز يعز اصلك ياشيخ

يكفي اني غالين عند كـــــــــل الطيبين (1) والردي ماني بحالــــــــه ولابيله غلا

<<<والله هالبيت يبكي من جماله

الغالى
صح لسانك وعلا شانك
ولاهنت
تقديرى

شكراللجميع على المرور المشرف شهاده نعتزبها منكم جميعا الله لايهينكم

.. صح الله سانم وعلا شانك على هالقصيدة الجزلة
عز الله اني طربت له لا هنت

طربة حائل شكرالمرورك الله لايهينك