ريم(ن) تقود الصيـد مـن دار سنجـار

السلام عليكم

العام اخر الصيف نشب في حلقي مديري الا تروح لشرقيه تحضر اجتماع في شركة سكوسا

الزبده اني رحت ومليت من الفندق قلت ياولد هالحين عندك بحر ياخي رح وشتر سناره وصيد سمك ههههههههههه

ورحت وشريته ومليته من كل نوع خبر ربيان وعلوك ههههههه وطشيته شوي يوم تقل احد يسحبه وانا اللي اتله

يوم طارت فوق ومن الفرحه خليت السناره ومسكت الخيط ههههههه اخف تهج والى والله سمكه بس مدري وش نوعه هههههه

المهم انه سمكه امين تسلب هههههههه وصور انا والسمك ورسله لربع في الاستراحه ويرسلي واحد منهم هالبيتين ورديت عليه

وبس <<<<< كله هالقصه عناد في بعض ناس هههههههههههههه





[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] صيدك يابو متعب وصلنا بالاخبار=مدري هدد او غوص ولا طراده
ياخو سعد بدلت طيـرك بسنـار=يالنوخذه يلـزم عليكـم شهـاده [/poem]

ورديت عليه في هالقصيده


[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] مثلي يا ابو ثامر على الدرب مـرار=دامك طلبـت العلـم دوك الشهـادة
صيد البحر يجلب على النفس الأمرار=خص(ن) ليا صارت على الشـط غـادة
ريم(ن)تقود الصيـد مـن دار سنجـار=واللعـب بقلـوب المحبيـن عــادة
والعلم لو تدري صغيـرات وكبـار=والحر مثلي لا نوى الصيـد صـادة
مير ان قلبي واسرة وسـر وهجـار=ومودعه ظبـي(ن) زهـا بالقـلادة
حبه عـلا بالقلـب والحـب جبـار=ظبي(ن) ليا شفته اشـوف السعـادة
والطير له عنـدي حشيمـة ومقـدار=قدره رفيـع وصاطـي الحـب زادة
يالله طلبتك هالسنـة سيـل وامطـار=لين الحفيـر يصيـر خـدة وسـادة
وتربع الدنيـا عقـب عـج وغبـار=ويزيـن خـد خـابـرة بالحـمـادة
تلقى الزبيدي فيه والخـرب معبـار=نوب هريب ونـوب جنـب الكتـادة [/poem]

يابعد قلبى انت
جزل والبر له عند اهلهطبع غير ومذاق غير
وش احلى من الربيع والمقناص والروض الخظر
ربي يرحمنا برحمته
الله يسعد قلبك
وصح لسان ابو ثامر اللى هيض مشاعرك
وخلاك تطلع بهالرائعه كروعتك
صح لسانك وجاد بنانك
ولاهنت

تقديرى لك واحترامي

:
:


ومن يسعفني بـ الرد !!

كتبت فأبدعت ووصفت فـ أجدت
لامزيد من الإضافات
فـ لاحروف توازي سحر وجاذبية حرفك وحسك
اتشرف ان كون اوائل المسجلين اعجابي بحروفك الذهبية
جميل هو حرفك ينبع من احساس يحضنه التمييز
فاضلي
هل استطيع الا ان اقف مذهوله
لروعه هذا القلم
سيد القلم المبدع
وراقي الحرف والاحساس
اتلذذ كلما مررت من حرفك وكأن فيض من نهر عذب كلها
لا عدمناك


:
:

مطعون غدر

صح لسان صاحبك الأول وصح لسانك

لكن ليتك صورت السمكه عشان نشوف وش نوعها

بعدين طلعت صياد من ورانا يا مطعون افا بصراحة ما توقعتك تسويها من ورانا

قصيدة معانيها رائعه وجميلة
وشاعرا متميز واكثر من رائع

لا فض فوكـ

هههههه مطعون تراي ابسوي بك لك سالفه مره سمك هههه ومره حمام ومره ضبان

الله يرجك بس ...


انا اشهد انك شاعرن جزل وتقدح من راس صافي .. وحروفك تشهد لك يالغالي

كل التقدير والاعجاب

ياهلابشاعرنا... بس أنتبه ترى يقولون فيه سمك سام سميتها أشد من الثعابين....ههههه!

كتبت فأبدعت لله درك معين لاينضب شاعر يامطعون...ولا يشق لك غبار...بجد أحسنت...،

سلم لسانك شاعرنا


أمتعتنا ... متـّعك والله بمعانيك




تحيتي عذبة

اقتباس: المشاركة الأصلية كتبت بواسطة عقاب النهار    يابعد قلبى انت جزل والبر له عند اهلهطبع غير ومذاق غير وش احلى من الربيع والمقناص والروض الخظر ربي يرحمنا برحمته الله يسعد قلبك وصح لسان ابو ثامر اللى هيض مشاعرك وخلاك تطلع بهالرائعه كروعتك صح لسانك وجاد بنانك ولاهنت تقديرى لك واحترامي

يابعدي ياعقاب صح بدنك ياخوي

ويعلم الله انه مرورك تاج على راسي

اقتباس: المشاركة الأصلية كتبت بواسطة ضحكة الدنيا    : : ومن يسعفني بـ الرد !! كتبت فأبدعت ووصفت فـ أجدت لامزيد من الإضافات فـ لاحروف توازي سحر وجاذبية حرفك وحسك اتشرف ان كون اوائل المسجلين اعجابي بحروفك الذهبية جميل هو حرفك ينبع من احساس يحضنه التمييز فاضلي هل استطيع الا ان اقف مذهوله لروعه هذا القلم سيد القلم المبدع وراقي الحرف والاحساس اتلذذ كلما مررت من حرفك وكأن فيض من نهر عذب كلها لا عدمناك : :

والله يالمزيونه مدري وش ارد عليك فيه

بس بيض الله وجهك ومشكوره وماقصرتي والله يستر عليك

تشرفت فيك وفي مروك

اقتباس: المشاركة الأصلية كتبت بواسطة صرخة قلم    مطعون غدر صح لسان صاحبك الأول وصح لسانك لكن ليتك صورت السمكه عشان نشوف وش نوعها بعدين طلعت صياد من ورانا يا مطعون افا بصراحة ما توقعتك تسويها من ورانا

صح بدنك ياكلي

معين صياد ههههههههههه شكل اسمكه اللي صدته مقروده تلقه يوم شافتني قالت امحق صياد ههههههههههههههههههه

اقتباس: المشاركة الأصلية كتبت بواسطة الزميلي    قصيدة معانيها رائعه وجميلة وشاعرا متميز واكثر من رائع لا فض فوكـ

مشكور اخوي على حسن مرورك تشرفت فيك يالامير

اقتباس: المشاركة الأصلية كتبت بواسطة خالـد    هههههه مطعون تراي ابسوي بك لك سالفه مره سمك هههه ومره حمام ومره ضبان الله يرجك بس ... انا اشهد انك شاعرن جزل وتقدح من راس صافي .. وحروفك تشهد لك يالغالي كل التقدير والاعجاب

يابعد تسبدي ياخالد على طول مميز في كل شي يالبييييييييييييييييه بس


يمين بالله اني اذا شفت رد لك على قصيده من قصايدي انه تكبر في عيني هالقصيده


مشكور ياكحيلان على تشريفك متصفحي

اقتباس: المشاركة الأصلية كتبت بواسطة اللـجـاوي    ياهلابشاعرنا... بس أنتبه ترى يقولون فيه سمك سام سميتها أشد من الثعابين....ههههه! كتبت فأبدعت لله درك معين لاينضب شاعر يامطعون...ولا يشق لك غبار...بجد أحسنت...،

هلابك زود يالامير وبيض الله وجهك شرفتني في مرورك يابعدي

لا توصي حريص انت لو تدري وشولن مسكته كان ماقلت كذا


اول ماطلعت من البحر بنعله كمخته كم كمخه لين ماتت ههههههههه

يالله طلبتك هالسنـة سيـل وامطـار

لين الحفيـر يصيـر خـدة وسـادة

وتربع الدنيـا عقـب عـج وغبـار

ويزيـن خـد خـابـرة بالحـمـادة

اللهم آمين

ح ـي لله اخونا الكريم

مطعون غدر

صح لسانك على القصيدة الرائعه

دمت ودام ابداعك