الشيب

بسم الله الرحمن الرحيم

الشاعر / مشعل عسام التريباني الشمري
(( الشيب ))

تكفون طيبو باول العمر ياعيــال (1) ترو اخره مافيه لذه ولا طيــــــــــب

من لا تبيّن باول العمرما طــــال (2) فعل المراجل عقب ما ناشه الشيـــب

الشيب كم دمّر عزيزين وابطــال (3) لو بارزو بالفعل جسّاس وكليـــــــب

الشيب للرجّال يوريه الاهـــــوال (4) يالي تقول الشيب مابه عذاريـــــــب

الشيب يقصر باع ذربين الأفعـال (5) الّي لهم بالطيب ماضي تجاريــــــب

عيّب ذياب الخيل كسّاب الأنفــال (6) الفارس المقدام ستر الرعابيـــــــــب

وسعدون في شيبه عليه الدهرمال (7) شامخ فعل بالشيخ فعل الأعاجيــــب

شامخ نوى يشمخ ويعملّه اعمـــال (8) لكن تصداله عطيب المضــــــاريب

شله عقاب الخيل حمـــــال الاثقال (9) وعاف الطماعه يوم شاف الاشانيب

الشيب به للرجل تنقيـــص وإذلال (10) ستر العفون متركين المواجيـــــب

عزي لرجلٍ باول العمر ما شـــال (11) حمل الرجوله واعتلا بالمراقيـــب

يا صار ما يحمل من الطيب مثقال (12) تراه يحسب من حساب الرعابيـب

متى يطيب إنكان للطيب مانــــــال (13) باول شبابه ما حوا المدح والطيـب

الحر فرخه ماكره عالي الجــــــال (14) والبوم ما يسكن طويل اللهابيــــب

طيبو ترا الطولات به عز واجـلال (15) هذا كلام الصح مافيــــــــه تكذيب

حي الكريم الي بذل غالي المـــــال (16) الي بذل ماله كفاحٍ عن العيــــــب

الي بكف الجود للجود يكتــــــــــال (17) يا دنّق الخائب كبير اللغابيــــــــب

عسا الكريم يزيده الله بالامـــــــوال (18) ألّــي يجّمل يالفوه الاجانيـــــــــب

ألّي على الطولات صابــر ولا زال (19) ماقال انا خايف يبي ينقص الجيب

لعل يفدونه من الناس الانـــــــــذال (20) عبّادة الدرهم قلال التراحيــــــــب

عشت والله عشت يا مشعل

عز الله انها جزله وناتجه عن تجربه
حكم ودرر يستفيد منها الكل

بس والله وقتنا ماهو مثل وقتكم حنا الواحد لا صار طيب وعلومه غانمه احفروله النجسين وقصار الصيت ما يبونه يزود عنهم بشي
وقاموا يسبونه بكل مجلس غيره وحسد

لله درك جيت على الجرح

صح لسااانك مدد بلا عدد..

تحياتي وتقديري واعجابي الجم...

صح الله لساااااااااااانك

صح لسانك


بس انت توك شباب شاعرنا مشعل .. والله يعطيك طول العمر يارب


حكم ودرر شعريه حبكتها بكل قدره ومهاره يا شاعرنا الفذ


انت والجزاله وجهان لعمله واحده


تقديري

ماشآء الله
ابيااات رااااااايقة..
سلمَ بنانك وفكرك

’’تحيـأإأتي ^_^

عافاك الله وقواك
وصح السانك مليار
ولا يسدون

شكرا لجميع الاخوان ولجميع الاخوات على المرور الله لايهينكم جميعا
اخوي سالم الشمري يقول الطيب يسبونه الخباث نقول لك انت افعل
الطيب وافعله لله سبحانه لاريا وسمعه ولا تقليد وسوف ينجيك الله منهم
باذن الله تعالى (ويمكرون ويمكر الله والله خير الماكرين ) لا تخاف من فعل
الخير والعمل الطيب خف من الردى والدروب النجسه ولا عليك اعلم ان الله معك

اخوي مشعل

ابياتك طيبه
لكن يبقى للشيب تقدير واحترام مهما صار

والله يوفقك

ابيات راائعه
صح لسانك شاعرنا
والله يعطيك الف عافيه .

شكرا للجميع على المرور الله لايهينكم
الشيب وقار لكن الطيب للقوي والشايب
لا يستطيع ان يفعل شي شكرالكي اختي

شاعرنا القدير :
مشعل التريباني
صح لسانك وأعتلإ على ه الأبيات الرائعه
يطول عمرك يَ رب
ننتظر جديدك بَ شوق
كل الشكر والتقدير لَ سموك القدير ..

همسة طلال شكرالكي على المرور