ما لعلع المدح المسطر بالابيات

بسم الله الرحمن الرحيم
السلام عليكم ورحمة الله وبركاته







هذي ابيات مهداه لأخوي الشاعر / عبدالله بن سلمان العُمري
أتمنى أن تليق بمقامه وان تكون عند حسن ظنكم ..





النص :-






[poem=font="arial black,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ما لعلع المدح المسطر بالأبيات = لجل أكتسب شهرة مجلّه تبيعه
قصيدة ٍ ما تنتشر بالقنوات = محكورة الصوت اباثيره تذيعه
له فوق هامات الشواميخ هامات = مثل النجوم اللي تضوّا لميعه
حاتم زمانه يوم للوقت ردّات = تاقف فعوله بالطبول القريعه
يعطي من اكياسه ولا ينتظر هات = مدّات كفّه مثل وبل ابربيعه
سلام يا شيخ الوفا والمهدّات = من هان صوته لين دار الطبيعه
ترحيبة ٍ تنساق والطيب منبات = ينشمّ ريحه والمعابر تشيعه
ترقص عليها وتنطرب هالبنيّات = وتغار منّه هالعيون الوسيعه
يا قاف عبدالله ولا فيه مدعات = قرّب جزيلك واستبق بالطليعه
أبوه هو سلمان راع الطويلات = وهو رفيع الطايلات ونصيعه
ما لاح برق ٍ معترض بالسماوات = خرّت له ارقاب الخلايق سميعه
جرّيت بالقلم مفاتيح وابيات = تكفي وجود اسم المعرّب رفيعه
ما نرتجي بالمال حفنة مقاسات = وحلوقنا لو هي تجرّع ضريعه
أرسم من احزاني تشاكيل واصوات = وينساق حزني لي على متن ليعه
جرح ٍ تصدّى منزفه بالحشا بات = واكتم جروحي لا يمرّه خليعه
ما شافت العين الرقيبه بالاوقات = لحظه فرح راحة بروقه سريعه
ما بين طرد القوت والقوت خمّات = ليل ٍ غطاه الجوع والعين جيعه
يقول المثل عين ٍ تراعي مسافات = ويدّ ٍ كسيره ما تمدّه ذريعه
يا عين هلّي ما صفا منك بالذات = كما دموع اقراب شدّوا قطيعه
اكتب ولا قصدي مجله وصفحات = من شان عبدالله نويت البديعه
[/poem]





وسلامتكم أخوكم / طلال الشمري
تعليقاتكم ونقدكم شرف لي ..

صح لسآنك مدد بلآ عدد
شآعرنآ طلال الشمري
قصيده جزله وابدعت بصيآغتها
سلمت وسلم فكرك وبنآنك
ولآهنت ,,

رائع
ياطلال سلمت ولاهنت

أبـوه هــو سلـمـان راع الطـويـلات

وهــو رفـيـع الـطـايـلات ونصـيـعـه

ما لاح برق ٍ معترض بالسماوات

خـرّت لـه ارقـاب الخلايـق سميـعـه

صح لساااانك
شااااعرناااا طلال
لاخلا ولا نعدم هالقصيد
ونعم بالمادح والممدوح
تقديري لك

صح الله لسااااااااك

كلمات سلسه بسيطه معنى يلامس الروح والمشاعر

صح كلك على بعضك

تقبل مروري ولك ارق التحايا

:
:


نص رآئع
لبوحك جزيل الشكر والآمتنآن








:
:

ماشاء الله تبارك الله
وصح لسانك والنعم فيك وفي الممدوح
ولاهنت على هالجزالة الغير مستغربة من شاعر مثلك وشرواك
...

ماقول الا صح لسانك وفكرك
مايحرمنا منك ياصاحب الابداع والرقي الراقي
عشت وسلمت وسلم راسك

انت تفعله وهو يستاهل
صح لسانك
وعلي شانك
ولاهنت
تقديري

صح لسانك شاعرنا القدير

تحياتي ....