الشيخ/فارس بن محمد بن طواله.. رحمه الله تعالى

الشيخ/فارس بن محمد بن طواله..شيخ شمل قبيلة الاسلم من شمر رحمه الله



(مـــ د ــ خل)

[poem=font="Simplified Arabic,6,red,bold,normal" bkcolor="transparent" bkimage="" border="double,4,black" type=1 line=0 align=center use=ex num="0,black""]
فارس بميقافه ونادر خصاله=ماله شبيه بشوف غيري وشوفي
وان عدوا الشيخان(فارس)الحاله=الليث اخو شيمه عديم الوصوفي
شيخ الشيوخ..وتاج روس الطواله=ان هاب بطش الجالسين الوقوفي
يفداه منهو شيخته في رياله=ماجت بعد اجدود..جـت بالالوفي
وان طمعوا ابشوت الشيوخ الحثاله=قلنا نموت ولا تشيخ الضعوفي[/poem]


رحم الله ابو مروي في رحمته الواسعه وموتانا وموتى المسلمين وهو فقيده ليس لقبيلة شمر فقط وانما لكل من عرف
هذا الاسد والدليل رثوه الشعراء من مختلف القبائل.
والحقيقه افتخر اني من اوائل الشعراء اللذين رثوه ونزلت قصيدتي بالمجله بعد وفاته بايام قليله وبعدها امتلآت الصحف
والمجلات بقصائد الرثاء من شعراء شمر ومن مختلف القبائل والحقيقه انا اخذ مني المجله التي فيها قصيدتي شخص وضاعت مني
ولكن وجدتها ولله الحمد عند ابنه الشيخ/ تركي بن فارس بن طواله حيث يحتفظ بكل القصائد التي قيلت في والده
واخذت صوره منها لكي اوثقها هنا بعد كم سنه من وفاته ومهما قالوا الشعراء لن يوفون ابو مروي حقه
فهو من الشيوخ الذين يشهد لهم التاريخ وخلد لهم اسمائهم ومواقفهم في صفحات المجد

اليكم قصيدتي المتواضعه حيث كنت في بداياتي وعليمي واول قصيدة رثاء لي هي هذه القصيده حيث تأثرت مثل غيري بوفاته وكتبت حبا ووفاءً لتلك الشخصيه النادره


[poem=font="Simplified Arabic,6,black,bold,normal" bkcolor="transparent" bkimage="" border="double,4,crimson" type=1 line=0 align=center use=ex num="0,black""]
أسودت الدنيا ونور الفضاء غاب=وحل الظلام بليل موحش جبينه
والارض دارت والقدم زل مرتاب=وأنشلت أفكار العقول الرزينه
قلت:الخبر؟ قالوا: حزن والفرح شاب=(فارس) خذاه الموت واقفت سنينه
ادعوا له الرحمه تحت رب الارباب= وكلٍ على بلواه ربـه يعينه
سمعتهم واغضيت والقلب منصاب=وتفجرت عبرات عينٍ حزينه
أبكي على شيخٍ للامجاد كساب= شيخٍ وفعل الطيب عادة يمينه
حرٍ ولـد حرٍ رقا راس مرقاب= بالفعل مامـثـلـه ولا احـدٍ وزينه
هذاك ما مثله يحـسَب له احساب=لو هو بـعـيـد مقدّر وهايبينه
ابكي ويبكونه معي عصم الاشناب=كلٍ على شانه رخص دمع عينه
مرحوم يا فكاك عسرات الانشاب=ريف الضعيف وعز منهو عوينه
نسل الحرار اللي يفكون الارقاب=شيخٍ ولد شيخٍ علومه سمينه
ندعيله الرحمن يفتح له ابواب=جنات عدنٍ ماتوصف بزينه
ندعيك الا يالله ياخير وهاب= تغفر لعبدك دام الاسلام دينه
تغفر ذنوبه والخطايا والاسباب=وعليه في قبره تحل السكينه
وكلٍ يموت اليا قضى العمر بكتاب=والموت حق وكلنا مقتفينه
لاشك لاوقف على روس الاهداب=طيفه وشفته بالعيون الحزينه
قلت آه غاب النور دام القمر غاب= ولكل(شـمـر) مـوت فارس غبينه[/poem]

صح لسانك
الله يرحم الشيخ فارس ويغفر له
يعطيك العافيه اخوي
لاهنت

الله يرحمه ويسكنه الجنة
ومن خلف مامات
وصح لسانك ميزر الطوالة
لاهنت

صح لساااانك شااااعرنااااا القدير ميزر الطواله
رحم الله الفقيد
ورحم الله اموات المسلمين
تقديري لك
ونتطلع للجديدك

رحم الله المذكور وادخله فسيح الجنات
وصح لسانك على هالمشاعر الانسانية الصادقة والراقية
تجاه الفقيد ..يبقى عزاء كل من فقد عزيز ان اللقاء سيكون هناك في الجنة ولاشي غيرها
..

رحمه الله وغفرله واسكنه فسيح الجنآن
وصح لسآآنك شآعرنا ميزر للأبيآت الجزله
ومثله يرثى ..
جسدت هنآ مشاعر الصدق والوفآء
سلمت يمينك ولآهنت ,,

ونعم فيك وبالطواله ورحمة الله عليه

فريدا متفرّدا بهذه الرائعه صح لسانك ولا فظ فوك

سلمت اناملك نص راقي ومتميز تقبل كل احترام