قصيده للشاعر سطم فهد الخليل (ومردي عليه)

درســـت بالتـجـويـد اقـــلاب وادغــــام= يـومــي صـغـيـر وناقصـتـنـي فـهـامــه

ومـع الزمـن عرفـت انـا كـل الأحـكـام= مــن كـثــر تقـلـيـب الـزمــان لنـظـامـه

وعرفـت فيـه دروس صعبـات وعظـام= وبعـض البشـر صـرنـا نفـسـر حـلامـه

واخــذت درسٍ مــن الليـالـي والأيـــام= وحـفـظـت دورات الـزمــن وابـتـرامـه

وعـرفـت وقــتٍ لأكـثـر الخـلـق ظـــلام= وقـــتٍ بـــه الأجـــواد قـــل احـتـرامــه

وقتٍ به الحصنـي حمـل رمـح وحسـام= مــن ورث جـدانـه يـبـي لـــه زعـامــه

وفيه الفهد يمشى على اطراف الأقدام= خــوف مــن الحصـنـي يتـكـدر منـامـه

والذيـب يمشـي طايـعٍ وســط الأغـنـام= يـعـطــي تـحـيــه لـلـغـنـم و ابـتـسـامـه

وبالمنـتـدى واكـثـر قـنــوات الأعـــلام= كــــل عــلــى كـيـفــه تـقـلــد وســامــه

ولقـيـت لــي نــاسٍ تبـنّـي لـــه احـــلام= جـمـاجـم الـمـوتـى تـجـمّـع عـضـامــه

تبـنـي لـهـا مـجــدٍ بتسـطـيـر الأوهـــام= كــــلٍ جــعــل جــــده كـبــيــرٍ مـقــامــه

يـقــول جـدانــي اهـــل خـيــل وكــــرام= ومــن رث جـدانــي ورثـــت الـكـرامـه

ولــو هــو فـعـل فـعـلاً بيمـنـاه مـايـلام= لـكــن يـقــول انـــه وريــــث لـعـمـامـه

وطيـب الجـدود للـحـي ماضـنـه الــزام= الـطـيـب لـــه نـــاسٍ تـعـلّــى سـنـامــه

صحيـح للماضـي مـع الحاضراسـهـام= ومــاضٍ بـلـى حـاضـر بـذكـره مـلامـه

ومــن يعتـبـر امـجـاد جــده لــه حــزام= اخـطـى وفعـلـه مـثــل فـعــل النـعـامـه

نصيـحـتـي لـــه لا تـزغـويـه الأوهـــام= احـلــى تـعـامـل لـلـنـفـوس احـتـرامــه

الشاعر سطم فهد الخليل الشمري

بسم الله الرحمن الرحيم
الشاعر\مشعل عسام التريباني الشمري
((رد على قصيدة سطم فهد الخليل))في 19\2\1434هـ

قلت الصحيح وقايل الحق مــايلام (1) يلقا مع اهل الطيب كل احترامه

ناسن تسل اسيوف بادة من اعوام (2) كلن يقول ابوي مـــــرفوع هامه

لبسو ثياب الكبروظلال الاوهـــام (3) وتوشــــــحو بوشاح كبرورخامه

كلن يقول انامــــــــن الناس مقدام (4) وجدي من اللي يحملون الزعامه

لبسو ثيابن بايده قبل الاســــــــلام (5) شين مضا ماله رســـوم وعلامه

ابوه صح انه علم ظمن الاعــــلام (6) لكن محت سمرالليالــــي عظامه

ويبي ولديقدم علــى الطيب بحسام (7) يمســــــــــك محله ماينزل مقامه

شبلن علـــــى كسب العلا يقدم اقدام (8) كل المراجل ماسكن فـــي زمامه

خفيف نفــــــــس وبالمهمات مهمام (9) صخـــــــي كف بارزن بالشهامه

ومن لايفصل له مقاسه مــن الخام (10) يقش فـــــي ذيله قشا ش القمامه

ومن لايصلي ويش حتى ولو صام (11) ماينفعه صــوم الدهركان صامه

والكذب لوطالت لياليه مــــــــــادام (12) ماينفعك حبله رديّن حـــــــزامه

الكـــــذب ماينفع تر الكـــــذب هدام (13) كم من كذوبن يشتبه فــي كلامه

بالكذب يبني له مثل وصف الاهرام (14) تهوي على كثر الهذاري سهامه

يذبح ويصلخ مار كله بالاحــــــــلام (15) لازم يبي شيــــــخن يفسرحلامه

والياتــبــين كل مــــــــــا قاله اوهام (16) تطلع من وكور الحـرار الحمامه

اهوال صارت كنها وصف الافــلام (17) يارب تحـــــــمانا ومنك السلامه

التوقيع :

الاستاذ الفاضل

مشعل

صح لسانك وعلا شانك

انت والشاعر سطم

الله يعطيك الف عافية على روووعه ماكتبت



تحية طيبة

نجلاء

حي الله شاعر المواقف

ابو عبدالرحمن

صح لسانك

وصح لسان شاعرنا ابو فهد

صوت وصدى رائعين من شعراء مشهود لهم بالجزاله

دمت ودام ابداعك

نجلا
الشمريه المجهوله
شكرالكن اخواتي الفاضلات على المرور الله لايهينكن

وعـرفـت وقــتٍ لأكـثـر الخـلـق ظـــلام= وقـــتٍ بـــه الأجـــواد قـــل احـتـرامــه
وقتٍ به الحصنـي حمـل رمـح وحسـام= مــن ورث جـدانـه يـبـي لـــه زعـامــه
وفيه الفهد يمشى على اطراف الأقدام= خــوف مــن الحصـنـي يتـكـدر منـامـه
والذيـب يمشـي طايـعٍ وســط الأغـنـام= يـعـطــي تـحـيــه لـلـغـنـم و ابـتـسـامـه

صدق ابا فهد واحييه من هذا المنبر بغيابه الذي اتمنى ان يكون ضمن
شعرانا الافاضل له اصدق تحيه بغيابه ونتمنى حظوره

كلن يقول انامــــــــن الناس مقدام (4) وجدي من اللي يحملون الزعامه
لبسو ثيابن بايده قبل الاســــــــلام (5) شين مضا ماله رســـوم وعلامه
ابوه صح انه علم ظمن الاعــــلام (6) لكن محت سمرالليالــــي عظامه
ويبي ولديقدم علــى الطيب بحسام (7) يمســــــــــك محله ماينزل مقامه
شبلن علـــــى كسب العلا يقدم اقدام (8) كل المراجل ماسكن فـــي زمامه
خفيف نفــــــــس وبالمهمات مهمام (9) صخـــــــي كف بارزن بالشهامه

شاعرنا القدير مقاما وشعرا ابدعت بكل الابداع ومنكم نستفيد
صح لساااانك ملاييين
تقديري لك

قيس الحسيني
شكرالك يالغالي على المرور المشرف والاطرى المشجع
الله لايهينك

إبداع جزاله ومعنى
قصيده رائعه ورد أروع
حرّم الله يداً نسجت هذا الأبيات الرائعه على النار
وأذاق الله لساناً نطق بهذا الإبداع ثمار الجنة وشرابها

قافية الاثر
شكرالكي على المرور والدعا الله يستجيب دعاكي اختي الفضله