دورات الأقدار

أعذب شعور يمرني وأجمل افكار.

لامرني طيفه وصوته دعاني.

انسى الألم واهيم في دنيا الاشعار.

والقاه ينثر فيني أجمل معاني

تورق بصدري من عنا الوجد الازهار.

أريجها الآخاذ عطر مكاني

وتشرق بوجهي شمس حبه والانوار.

رغم الرحيل اللي خذاه وخذاني

وشلون ابنسى واحد فارق الدار.

واصبحت احسه نبض يملا كياني

ياليتنى اسلاه والقلب ماأختار.

وشلون ابنسى والغلا مانساني

الحب ياراحل ظلوم وجبار.

وأنا ضحية كاسه اللي سقاني

يكفيه انه مشعل داخلي نار.

ويكفيه انه ممتزج مع حناني

باأصبر وأبصبر رغم دورات الأقدار.

لين الفرح يغتال حزن لفاني





أتمنى أن تعجبكم





أختكم : الخشف

رغم الرحيل اللي خذاه وخذاني وشلون ابنسى واحد فارق الدار.رائعه حروفك ي نقاااء أبياات مميزهـ غاليتي سلمتي وصح لساانكـ

.........رغم الرحيل اللي خذاه وخذاني..........

الله الله الحقيه شي خطير الف وصح لسانك

رسمتك بسمه
وانتي تسلمين على مرورك ياغلاي
وكل عام وانتي سعيده وبخير
ماانحرم من طلتك

أخوي مطعون صح بدنك
والله يعافيك على مرورك

آبيآت آكثر من رآآئعه
ونص مترف جميل
سلم نبضك وآحسآسك العذب يآ غآليه
وصحت روحك ,,,

راااائعه
يالشاااااعره
كل التقدير لكي
اختي الفاااضله

الخشف عساك من عوااده أختي القديره
(أم سلطان )
لاجديد سوى تجدد ابداعك واعرف ذلك
لتزاملي واياك في آماكن أخرى ,,, بالتوفيق لك
هنا وكل عام وانتي بخير

صح لسانك

ربي يسعدك

وكل عام وانت بخير

لك ودي

::

وتشرق بوجهي شمس حبه والانوار.

رغم الرحيل اللي خذاه وخذاني

كلام حلو جدا والله ، وهذا البيت فيه وجدانيه أعجبتني .
سلم بوحكِ فااااضلتي

صح لسانك شاعرتنا
يعطيك العافيه ولاهنتي

تورق بصدري من عنا الوجد الازهار
أريجهـا الآخـاذ عـطـر مكـاني
وتشرق بوجهي شمس حبه والانوار
رغم الرحيل اللي خـذاه وخذاني
.
هنا شعر وبوح جميل جداً النص كله رائع
لكن هالبيتين عن قصيده اخرى الله لايضرك

كل التقدير لك