مريت لبدة وناحت بالغلا ورقا

كل عام وانتم بخير ..

هذه القصيدة (( عيديّة )) لأمنا حائل وقد قدمتها في رابع ايام عيد الفطر

بمنتزه المغواة للعام 1434 هـ

يشيب عـــــزم المعاني لا قصـد حايل

والعز تلعج بروقه والثنـــــــــــــا يشقا

والمجـــــد حمله ثقيل ومن عجز زايل

وعيوننا من فرحها بالحــــــــــزن غرقا

يا عـــــــــــــل عيدك يعود يعدّل المايل

وتشرق شموس الوداد وشفّنا يُسقا

صـــــــــــدر المحبة بحورٍ موجها هايل

يزف من لا يبيه وســــــــــــابحه يبقى

حبيت ســــــــــور الزبارة يا ضنا حايل

ومريت لبدة وناحت بالغـــــــــــلا ورقا

ودجت بغريس الاميـرة مطمع العايل

وبــــــــرزان عيده حنين ويذرف الزرقا

وعيرف تشـــوف وتنوف وتفتح الفايل

مثايلٍ للفخـــــــــــــــــــر ترقا ولا ترقا

يسوق حـــــرفي فعول النادر الطايل

الوافي اللي تعيش حضـــوره الفرقا

وطيت نار العــــــذول ومدمعي سايل

ولديت جــــــــرحي بعمري نيتي بلقا

والروح فـــــــارع تحتها الصبر متهايل

تغازل الكـــــــــــــود عجْزت للوفا تلقا

عمر بن عبدالمحسن

صح لسااااانك
ملايييين يااالقرم
داااام عزك وعز من يعزك
اجل التحااااياااا والتقدير

ماقصرت اخوي عمرصح الله لسانك ملايين

ابيات جميله
صح لسانك عمر وكل عام وانت بخير

وعيرف تشـــوف وتنوف وتفتح الفايل

مثايلٍ للفخـــــــــــــــــــر ترقا ولا ترقا

لله درك شآعرنآ عمر
صح لسآنك مدد للوحه الشعريه الرآئعه
سلمت ولآهنت ,,

يسلم منطوقك شاعرنا على دي الابيات
الاكثر من رائعه ، عوآفي والله
ربي يسعدك خيو ولا يحرمنا جديدك ،

الله يسلم هالفكر اللي ابدع لنا هالمترفة الجميله

والله يسلم البنان اللي دون سطورها
انت احد اركان همس القوااافي الذين لا نستغني عنهم

عزيزي
دمت على هاذا التميز والابداع والتآلق


/

ارق تحيه

ياسلام ياسلام

الجميل عمر عبدالمحسن

ابدعت بهذه الفاتنه الجميله ايه العذب الراقي

كل بقعه في حايل لها ذكريات في عيون اهلها

تقبل مني كل الود

اشكركم جميعاً على كرم الحضور والثناء >> كلن باسمه ..