مساجلة مع الراوي الشهير والشاعرالمتمكن / فواز الغسلان أبو فهد

إسنادا على الشاعر / مبارك طناء التبيناوي
[poem=font="simplified arabic,5,white,bold,italic" bkcolor="transparent" bkimage="backgrounds/21.gif" border="groove,6,crimson" type=0 line=1 align=center use=sp num="0,black""]
معرفتنا لشخصك يامبارك قديمه = وأنت خيرت رجال(ن) ماتهاب الكلايف
شاعر(ن) لك مكانك يامبهذل خصيمه = من مقاديم شمروأنت نعم الخلايف
لانخيتك لقيتك باالأمور العظيمه = عقب سهرالليالي ذقت نوم اللحايف
المعادي يهابك لوطبوعك كريمه = وللرفيق الموالي مثل لين القطايف
ساق رجلي تراهايامبارك حطيمه = والسبب يامبارك من صدودالولايف
والله إني عشقته والنواياءسليمه = مسكنه وسط جوفي في طويل النوايف
قام يظلم وربي مايحب الظليمه = لامضاء الليل جاني من عوانيه حايف
من لمح شيب راسي عاقبن بالحريمه= قلت له وش علامك قال الإنتاج طايف
قلت له شاب راسي مارضيت الهزيمه = مع غبون الليالي ياحسين الوصايف
لك حيات(ن) بجنبي باالغرام ونعيمه = لوتشين الليالي ماتشوف الحسايف
قال حبي لشايب يشهدالله جريمه = شوق عيني شباب(ن) مادخل باالوضايف
قلت له ياحياتي والله إني صكيمه = وخبرتي فوق غيري باالنهدوالشفايف
يامبارك تراني ذقت غبن الهضيمه = هرجها تقل ينثربالحشاءسم ذايف
المدامع تناثرفوق خدي هشيمه = من لباسن تضايق من فعول الردايف
رمشهايامبارك بالمغازي غنيمه= والعقول الثقيله عندرمشه خفايف
جعل داره تجيهامن هماليل غيمه= لين أشوف المغادرمن سحابه ذرايف
لأجل يطلع عشيري في هبايب نسيمه= ثم أشوفه تمشاءوالليالي ذلايف
يامبارك تراني طحت في نارظيمه = مرتجيهاوعمري له زمولن نكايف[/poem]
ردا على الراوي /فواز الغسلان
[poem=font="simplified arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=0 line=1 align=center use=sp num="0,black""]
خيرمبداءذكر محيي العظام الرميمه =خالق الكون عالم خافيات الصحايف
كل مايجهل المخلوق ربي عليمه = رب موسى وعيسى ملتجاءكل خايف
جل شأنه مغيث الممحله والبهيمه = عالي الشأن حلال الثقال الكثايف
صانع المستحيل لكل حال(ن) عقيمه= وآلي الكون سبحانه وسيع المضايف
بعدذكرالكريم أبداه شوروحشيمه= فيض فكري مفيضه من فياض(ن)نضايف
يابن غسلان تشكي وأنت حالك سليمه= كل كايديهون وللمعرفة عرايف
وحدالله عيون الناس ماهي رحيمه = قالواإنه تجيك من الرفيق اللغايف
النفوس الخبيثه والعقول السقيمه = راعي القلب الأبيض مودعينه نتايف
ومن وقع باالمحبه ماإعترف باالهزيمه = لوعظامه غدت سبت غرامه سعايف
من تولع بحب البيض يشكي جحيمه= يابن غسلان قبلك شفت ماكنت شايف
يوم كلن شكاءنارالجفاءمن نديمه = كل همي فراق أم الثمان الرهايف
بالوصايف ملاك وبالمعرفه حكيمه = والعيون النواعس شرسبع الطوايف
وقول خلك يابن غسلان ماهوذميمه = خبرتك شي طايف ماعليهاحسايف
والمحبه إذاماهي من أقصى صميمه = راح دورك بروحت موميات السفايف
أترك البيض لي وادموع عينك يتيمه = عقب شيبك تحب المحصنات العفايف
لاتمنى هنوفن شوفته مستقيمه = مع جماله تبادلك الهروج اللطايف
وحدالله وخل الفاتنه والوسيمه = الله المستعان وللولايف ولايف
حالتك مثل حالي والنواياء مقيمه = وش كسبنا بتصخير البكار العسايف
والختام الصلاة إعداد ماهل ديمه = لخاتم المرسلين إعداد ماهب طـايف[/poem]
(((الشاعر / مبارك طناء التبيناوي )))[/quote]

مرحبا
فيك شاعرنا الذوق الفخم
صح لسانك وارتفع قدرك
بوح جميل متناسق عذب
ويعطيك الف الف عافيه
عبق الورد يملأ المكان
شذى الزهر يكتم أنفاسنا من روعته
أريج يتطاير هنا و هناك ..!!
إنها روائع تطرق سماء الأبداع لتعانقها
شآكرة لكـ طرحك
ويشرفني اني اكون بين الردود

وبانتظار جديدك
ودي وشذا ورودي

اقتباس: المشاركة الأصلية كتبت بواسطة ذوق الحنان    مرحبا فيك شاعرنا الذوق الفخم صح لسانك وارتفع قدرك بوح جميل متناسق عذب ويعطيك الف الف عافيه عبق الورد يملأ المكان شذى الزهر يكتم أنفاسنا من روعته أريج يتطاير هنا و هناك ..!! إنها روائع تطرق سماء الأبداع لتعانقها شآكرة لكـ طرحك ويشرفني اني اكون بين الردود وبانتظار جديدك ودي وشذا ورودي

هلا وألف مرحبا أختي الكريمه / ذوق الحنان

صح بدنك اشكرك على مرورك السريع وذوقك الرفيع وكلماتك العطره

دمت بخير وموده وشكراً0

اخوكم ومحبكم / مبارك طناء الشمري

جميل جدا صح لسانك شكرا

اقتباس: المشاركة الأصلية كتبت بواسطة أمير الشمال    جميل جدا صح لسانك شكرا

هلا ومليون مرحبا الأخ العزيز/ أميرالشمال

السلام عليكم ورحمة الله

وأنت أجمل صح بدنك يالغالي شكرا على المرور السار دمت بخير وموده والسلام

اخوكم وشاعركم / مبارك طناء

مبارك الطناء .... يعطيك الله العااااااااافيه .. وصح الله لساانك
ولسان الراوي فواز الغسلان
شكرا لك

السلام - - قصائد جميله تسلمون

صح لسانك وعلا شانك شاعرنا القدير مبارك وصح لسان الراوي فواز الغسلان
قصيدتان رائعتان
راقت لي بكل مافيها من ابداع شعري ورد راقي برقيك لاهنت
يسلم راسك يابعدي

تقبل خالص احترامي

االأستاذ القدير/ سليكو
الأخت / ام حنان

الأخ العزيز الشاعر/ الساري
السلام عليكم ورحمة الله
صحة أبدانكم وأعتلا شأنك لكم جميعا كل الشكر والتقدير وأخص بالشكر
والتقديرالمراقب العام أبو فيصل على التصميم الجميل الخاص بي وفق
الله الجميع لمايحب ويرضى دمتم جميعاً بخير وموده والسلام
اخوكم ومحبكم شاعر جبل شمر/ مبارك طناء التبيناوي