لاتعقملي يديك عن الكرونه

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""] ‏لاتعقملي يديك عن الكرونه=وانت ماعقمت قلبك من ذنوبه

تب لربك واطلبه عفوه وعونه=واطلبه يرفع عن الناس العقوبه

واعلم ان الذنب ماتبرا طعونه=والمصايب ماتزول الا بتوبه

الله اعلم بالعباد وفي شؤونه=والله ادرى باالعباد وفي دروبه

ماكتب لك جاك في عسره وهونه=المقدّر ماعنه لو حاولوبه

وكل من يحسن بخلاقه ضنونه=والله انه مايخيّب من لجوبه

العباد بدبرته والكون كونه=والشفا بيديه واصناف العقوبه

والبشر جلب الشفا مايقدرونه=تاتي اصناف المشاكل ماحسبوبه

من لجا لحما الولي وفي حصونه=بشروه بخير لو تكثر كروبه

واحدٍ ماخيّب اللي يعبدونه=التجوله واستعينو وآمنوبه[/poem]

مشعل عسام التريباني الشمري في ٢٤/٧/١٤٤١هجري

قصيدة جزلة وعميقة المعاني
مواكبة للحدث

صح لسانك وعلا شانك أخي مشعل

نسال الله العافية للجميع

اخوي احساس رسام
صح بدنك لاهنت شكرالمروري

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
وكل من يحسن بخلاقه ضنونه=والله انه مايخيّب من لجوبه

العباد بدبرته والكون كونه=والشفا بيديه واصناف العقوبه
[/poem]

صدقت يابوعبدالرحمن وصـــــح لسانك مـــــــــــدد
تقبل حضوري لاعــــــــدمنا وجووودك.

تم التنســــيق.

اخوي ابوطارق
صح بدنك لاهنت اخوي شكرالمرورك

اللهم تب علينا .......

مشعل التريباني .. تسلم وصح الله لسانك .. قصيده أكثر من رائعه

يعطيك الله العافيه,... .. ولاهنت

شكرا لك ..

اخوي سيلكو
صح بدنك لاهنت شكرالمرورك

صح لسانك وسلم بنانك
قصيده تحكي واقع نعيشه بالفعل
شُكراً لجنابك ملايين ولايسدن

زفرات الصمت
شكرالمرورك صح بدنك

صح لساانك قصيده مميزه شكرا

اخوي اميرالشمال
صح بدنك لاهنت

ربك يحاسبه على قلبه
لكن اليدين ضروري يعقمهن اخاف يعدي له
واحد قلبه سليم ويخاف ربه..
يعطيك العافية مشعل

اخي متابع
انا اقول ان السبب الاول لوجود نذا الوبا هوذنوبنا وقلة اعتمادناعلي الله فلابدمن الاعتمادعلى الله اولا وقبل كل شي وعدم اقتراف المعاصي الذي توجب غصب الله علينانسال الله العافيه