كثير اللجلجه

هذي مرد على واحد كاتبن له بيت واحديقول ياجيت بمجلس به كثير لجلجه احسن لك سوحالك خبل

[poem=font="simplified arabic,7,white,bold,normal" bkcolor="indigo" bkimage="" border="double,8,indigo" type=2 line=0 align=center use=ex num="0,black""]
اناشهد انك كتبت ابيات شعرن مهيل=واخترت جزل البيوت الي تنيرالسبل
العقل راعيه يتعب والدهربه يميل=مع عالمٍ تدبل الكبد السليمه دبل
ناسٍ مزاهيف هرج ويرغبون الهزيل=يجيبهم يم هزل الهرج طق الطبل
لفو علوم الرجوله تحت كم الشليل=وحاسو زهر نبتة الحنضل بنبت الربل
خطو الهبيل السفيه اللي علومه تهيل=واليا فتشته لقيته مثل ورد زعبل
خبلٍ لياجاء المجالس قام يصهل صهيل=ويله على اللي عن اللجه يهبله هبل
اللي لياجاء المجالس قام يهذل هذيل=ودك تربّط حنوكه في شديد الحبل
نصيحتي للرجال اللي تشيل الثقيل=لاترخصون الرجوله في مسمى طهبل
تر الرجل كان مهو بالسوالف بخيل=ينقص مقامه ويحذف من مسمى شبل
[/poem]

((مشعل عسام الغافل التريباني))
في 1445/7/2هـ

هلابك يابوعبدالرحمن وصح لسانك مــــدد ولله درك بدون عدد
كتبت فأبدعت لافض فوك
تقبل تحياتـي لاعـــــــدمنا وجووودك.

[blink]
تم التنســــــــيق
[/blink]

هلابك اكثر لاعدمتك يبعدي ابوطارق

يسلم لسانك شاعرنا مشعل
وبعض المجالس فعلا
ياتسكت او تنخبل ��

يعطيك العافية يارب
ولك مني باقات من القرنفل
تحمل في شذاها اسمي معاني الاحترام

اخواني الكرام
صحت ابدانكم جميعا لاهنتو شكرالكم على المروروالاطرى

صح لسانك ابيات مميزه شكرا