وشـنــوح يخــلــف بالــمــواثـيــق وشـنــوح

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
اخــيــل بـرقــن تـالـــي الـلـيــل لـه ضــوح=حـرك هــجـوس الـلـي تـمـلــمـل وضاقـي
وسـمــيــتـن يـلــعــب بـهـا كـل مــمـلــوح=ونـشـــوف زيـنــات الـخــرز والـحــلاقـي
كـم شــيـخ قـومــن دونـهـا طــاح مــســدوح=وكـم هــاب عـشـبـه لابـسـيــن الـطــواقـي
مــاداج فــيــهــا نـاجـــع الــبـــدو بـســروح=حـمــاه نـاســن يـقــطــعـــون الــتـراقـي
يـفـرح بـهــا قـلـبــن مــن الــعــام مـذبـوح=مـن يــوم ضاعـت بـالـحـبـيـب الـمــهـاقـي
دخـلــت دربـــن لاجــلــهــا يـهــلـك الــروح=لاشــفـــت دمــع الــزيـــن زاد أنـــدفــاقــي
وسـاقــت يـمـيـن بـخـالــق الـخـلــق والـلــوح =وعـهــود مـايـطـري عـلـيــهـا الـفــراقــي
واصـبـح خـفـوقـي فـي هـوى الـزيـن مـشـفـوح=ووطــيــت نـارن جـــمــرهـا مـايـطـــاقـي
يـســري هـــواه بـخـــاطــري ويــن مـااروح=كــن الـضــمــايــر مــن وراهــا تـســاقـي
والــيــوم مـاشـافــت عـلـى الــدرب مــربــوح=وسـاقــت ظــعـونـه والــغــنــم والــنـيـاقـي
عـقـب الـوقــــوت الـلـي مـضـت ضحـك ومـزوح=امــســى بــعــيــدن ريــقــهـا مــايــذاقـي
اوجــس بـصـدري مـن غـبــون الـقــهــر فـــوح=مـاراح يــبـقـى بــه مــن الـغــبـن بـاقـي
وضـعــي غــدى عـنــد الـمــخــالـيــق مـفـضوح=ونـاسـن تـســابـق بـالـشــمـاتــه سـبـاقـي
واصـبــح سـهــر عـامـيــن مــن دون مـصــلـوح=غـيـر الــوجـاهــه والـتــعــب والـخـنـاقـي
اول قـــعــودي عــنــد الاصـحــاب مـــمــــدوح=وهـربـت عـنـهـم فــي طـويـل الـمـراقـي
دمـع الـقــهــر مــن حــاجــر الـعــيـن مـســفـوح=ونـومــي غـدى مـنـهـا عـلـى عـظـم سـاقـي
صــارت لابـن شــعــلان مـــن طــاح مـجــروح=يـشـفـط مـن الـضـيـقـه سـبــيــل الـعـراقـي
مـاغــيــر خــلانـــي مـــثــل نــايــح الـــدوح=وخــطــرن عـلــى قـلـب الــشـقــاوه يـعــاقـي
مــن لاهـــبـــن مـايـاصـــفــه قـــاف وشـــروح=نــاره تــزود بـضـيــقــتــي واشــتــيــاقـي
والــيــوم لــو بـابـــه لــنــا صــار مــفـــتـــوح=عــن حــبـــهـا ســقــنــا ثـــلاث الـطـــلاقـي
وشــنــوح يـخـلــف بـالـمــواثــيـــق وشـــنــوح=عـقــب الـعـهـــد يـبـي الــذرى والـمــتـاقـي
وفـي بـوقـــهــا والـلـه فـلا هـــو بـمـــســمـــوح=دامــه خــدعــنــي فــي هـــروج ونــفـــاقــي[/poem]