فنجان قهوة المساء للأخ فواز الغسلان

[align=center]تعطلت عندي خدمة الDSL وضااااااااااااق صدري
الحياة بدون "بعد حيي" مالها طعم....
فقلت ماعندي غير طريقة ابو فهد للتعبير>>(ياشين التقليد ههههه)
ورحت أكتب بعض المحاولات الشعرية "بعضها قديم"
قلت عسى أن تنال اعجابكم...

هذه كلمات كتبتها عندما سافر أحد أخوتي للدراسة وكان عمري (10) سنوات

[poem=font="Simplified Arabic,6,white,bold,italic" bkcolor="transparent" bkimage="backgrounds/3.gif" border="outset,4,limegreen" type=2 line=0 align=center use=ex num="0,black"]
خط لفاني انا عليه ملهوف=ياهلا بالخط واللي لفابه
يا هلابه عد ماخطت حروف=وعداد ماهل دمعي في غيابه
ياخوي بعدك دنيتي كلها خوف=وقلبي يمك شوقي سرابه
ولو مالدنيا مقادير وظروف=لاقول دنياي خاب الرجا به
لين التفت بالدار ولاطالك الشوف=كني غريب ماله عز وقرابه
وكني اسير على الموت مدفوف=يوم راح يترجا كلن صك بابه
اللي يلوم وماني باللوم مكلوف=عسى من لامني فيك يلقى حسابه
عسى عليه كل الدمع مذروف= وعساه عن الدنيا يطوي كتابه
هذا(اخوي)من بين الناس معروف=ياعسى ربي مايحرمه من شبابه
. . . . . . . . . . . . . . . . . . . . . . .=وانا اقول شوقي كلن درابه
شوقي ساقني على النار بسيوف=وبعدك ماللموت بقلبي مهابه
بعدك يالغالي كل عمري معيوف=وعلى فرقاك كل عمري خرابه
حتى اشوفك وكل مافات مخلوف= وكل دروب العز قلبي مشابه
ياخوي كم صفقت لك كفوف= وكم واحد لاشافك هون عذابه[/poem]






وهذه كلمات كتبتها بعد وفاة شخص عزيز علي:

[poem=font="Simplified Arabic,6,purple,bold,italic" bkcolor="transparent" bkimage="backgrounds/44.gif" border="outset,4,purple" type=2 line=0 align=center use=ex num="0,black"]
قالوا (الصبر!!)قلت الصبر وصل مناهيه=مات الصبر واصبح الدود يرعابه
عذاب قلبي ماشفت عذاب يشاديه=ياكود عذاب سجين ضيعوا شبابه
صكوا من دونه البيبان وامه تناديه=وعودت على فرقاه تبكي مصابه
يتيم(ن) ولاله ولد عم ينجيه= وبري(ن) ومن الذنوب طهر حسابه
الغالي غااااااب عن الكون ياهيه=ياليتني اول من يندفن في ترابه[/poem]






يقول الشاعر دايم السيف:
[poem=font="Simplified Arabic,6,deeppink,bold,italic" bkcolor="transparent" bkimage="backgrounds/21.gif" border="outset,4,deeppink" type=2 line=0 align=center use=ex num="0,black"]
ليالي نجد مامثلك ليالي= غلاك أول وزاد الحب غالي[/poem]


واقول.............

[poem=font="Simplified Arabic,6,deeppink,bold,italic" bkcolor="transparent" bkimage="backgrounds/21.gif" border="outset,4,deeppink" type=2 line=0 align=center use=ex num="0,black"]
ليالي نجد ماظنيتك تخوني= غلاك أول وباقي الود تالي
ليالي نجد خيبتي ظنوني=خلاص ارجوك يكفي ماجرالي
ليالي نجد شلتك في عيوني=ماهذا جزا الوفاء يا ليالي
جرح الكرامة يانجد مايهوني= والا كل شي من غلاك غالي
في ديرتي ياديرتي ضيعوني=ولاظني القى في ارضي ظلالي
ابترك دياركم واتركوني=فيك يانجد ما شيء. . . بقالي[/poem]







يقول الشاعر فواز الغسلان:

[poem=font="Simplified Arabic,6,white,normal,normal" bkcolor="transparent" bkimage="backgrounds/38.gif" border="outset,4,orangered" type=2 line=0 align=center use=ex num="0,black"]
شال عرق القلب والبارح زواجه=ويل قلب اللي وقع في وسط بيره[/poem]


واقول.........

[poem=font="Simplified Arabic,6,white,normal,normal" bkcolor="transparent" bkimage="backgrounds/38.gif" border="outset,4,orangered" type=2 line=0 align=center use=ex num="0,black"]

الصاحب اللي مزاجي من مزاجه=أقفت به الأيام يالله الخيرة
ماهو غدار ولادوار حاجه=ولابعده عني يسعى بتغييره
أزعل لزعلة خفوقه واحتجاجه=وقبل أزعل تنطقها تعابيره
وأضحك لضحكة عيونه وابتهاجه=وقبل اضحك ترسمها تباشيره
هذاك اللي له الروح محتاجه=والله فلا ينقص في يوم تقديره[/poem]
[/align]