راويك ياعــواد واصل حـــده

[poem=font=",6,orange,bold,normal" bkcolor="black" bkimage="" border="double,8,darkred" type=2 line=0 align=center use=ex num="0,black""]



راويك ياعــواد واصــل حــده=من خفرتـن باهـل الهوى مـاتـاوي
كن الورود الحـمـر تسكن خـده=وريحة جسدها ريح عطرن جاوي
ناره على وسط الخفوق امـتـده=ولا هـمـها شـعـري وكوني راوي
تجذب مـعالـيـقـي وتلـعـن جـده=وماني على فـرقـى عـيونه قـاوي
مـن شفـتـها قـدام عـيـنـي عـده=والـفـكر من كـل الخـلايق خـاوي
ردفه طوى الفـستان فوق وشده=يطـويه والخـافـق طـواه الطـاوي
ان قـلـت ابي شوفة عيونك صده=تلعـب بقـلـبن فـي هـواهـا ذاوي
وده بـشــوفـي يابوصـالـح وده=لكن تخـاف من الحـسـود الـغاوي
وامسيت روحي طـايحن مـنـهده=امشي ولاادري ويـن وجهي داوي
اشواقها وسط الخـفـوق اشـتـده=وحبه غـدى نورن بلـيـلـي ضاوي
واخاف من هجـمـاتها الـمـرتـده=وانا دفـاعـي احـمــد الـنـيـفـاوي
كـبـري وتـلـقـى قـولها بالـقــده=والمحـترف يهـزم فـريـقن هـاوي
خمسين شـوتـه حـارسي ما رده=مـذهـول مـثـل رياسـة الـعـلاوي
وشلون يقوى القلب يلـعب ضـده=والشـيخ مايـاقـف قـبـالـه شاوي
نصبر ولـو كـل الـدروب انـسـده=يمـكن يروق الـوقـت للـبـقعاوي
لو باح مـن بـعـد الحـبايب ســده=لعـيون ريـمـن رمـشـها كحلاوي
كـديـت لكـنـي خـســرت الـكـده=والربح لـيـلي مـثل راس الـواوي
عـواد حـظـي بالـهــوى وش لـده=ودي يـثـور وهـو طـريحن ثاوي
والقلب في طول الـزمـن وش نده=الا عـنــودن جـمــر حـبـه كاوي
افزع ترى الـدنيا غـدت مـسـوده=ودونه سهال الـريـد ذيـبـه عاوي
وكان الركايـب عـن هــوانا مـده=مـعـنـاه فـي ذبحـة خـفـوقي ناوي[/poem]

اقتباس: واخاف من هجماتهـا المرتـده وانا دفاعـي احمـد النيفـاوي كبـري وتلقـى قولهـا بالقـده والمحترف يهزم فريقـن هـاوي خمسين شوته حارسي مـا رده مذهول مثـل رياسـة العـلاوي

[align=center]
صح لسانك يابوفهد قصيدة جميلة فيها الم وطرافة

بس ماعرفنا احمدالنيفاوي

هذا مع اي منتخب؟؟

صح لسانك الوف وملايين ولاهنت[/align]

صـــــــح لسانك يا بو فـــهد قصيده لا شـــك انها جميله
واعتقــد انها قديمه شوى لانــك تطرقت فيها الى لاعيبــه قداما امثال احمد النيفاوى لاعب الهلال والوحده سابقأ وكذالك علاوى لاعب المنتخب العراقى.

لاهنت ولاهانت قوافيــك
لك منى ارق واعذب التحايا

صح لسانك يالغالي
روعة واكثر
لاهنت وطال عمرك

ابداع ياعساك تسلم فواز الغسلان
بنتظار الجديد

اقتباس: المشاركة الأصلية كتبت بواسطة نورالدنيا    [align=center] صح لسانك يابوفهد قصيدة جميلة فيها الم وطرافة بس ماعرفنا احمدالنيفاوي هذا مع اي منتخب؟؟ صح لسانك الوف وملايين ولاهنت[/align]

هلا وغلا بالعزيزه نور الدنيا 00

كل الشكر والتقدير واللاعبين هذولا مال قبل 00

تحياتي لك0

صح لساانك يالبقعاوي والله والنعم فيك
وجعل حظك يقوم مع الي متعبتك
لاهنت يالغالي

فواز
لعبك الهوى ياشين
وربى يبي ينهيك
تسلم على هذه الفاتنه
وادرى عادتك ماتجيب الا الجزل
صح لسانك
ولاهنت


تقديرى

صح لسانك ابو فهد لا هنت

يسلم بوحك ونبضك

صح لسانك ابو فهد لا هنت
يابعدي متعودين منك
على الجزاله والابداع

فواز الغسلان

نظم جميل

وكلام عذب

سلمت على تميزك

احس احساس

الرائع والنحرير والجهبذ فواز الغسلان كلما أمر
قصائدك أجد فائدة وحكمة واعجابي بقصائدك وبوحك
يتجدد وليس بمنقطع تبقى قمة في الابداع ورمز للأصالة
أينما كنت يكون الابداع معاك دمت ودام شعورك وشاعريتك الخصبة

اقتباس: المشاركة الأصلية كتبت بواسطة !!افترقنا!!    صـــــــح لسانك يا بو فـــهد قصيده لا شـــك انها جميله واعتقــد انها قديمه شوى لانــك تطرقت فيها الى لاعيبــه قداما امثال احمد النيفاوى لاعب الهلال والوحده سابقأ وكذالك علاوى لاعب المنتخب العراقى. لاهنت ولاهانت قوافيــك لك منى ارق واعذب التحايا

افترقنا شكرا جزيلا يالعزوه لاهنت ولاهان مغليك

تحياتي لك