{سـرى بي هـاجس الذكـرى }

بسم الله الرحمن الرحيم

السلام عليكم ورحمة الله وبركاته





سرى بي هاجس الذكرى على وين أنا مادري وين
........... ولـكن سـرى بـي الين ذاك الـبيـت مـريتــه


وانا اعرف هاجسي لا من سرى بي ما يجيب الزين
........... يـعـيـد الذكريــات المـاضيـه يـذكرني ابيتـه


الا يالهاجس اركد بالله انك لا تبكي عين
........... تـرى ما عـاد فيّا صبر كل الدمع هليتـه


نسيته دامه الي باعني يالله عسى يعين
.......... ويشــفي كل جرحٍ صـابني منه وعانيتـه


ثلاث سنين يالهاجس وانا اراقب لهالحين
.......... عسى في يوم يذكرني ويذكر كيف راعيته


انا ما ابيه يالهاجس انا ودي ارد الدين
.......... ابيه يحس في كل العذاب الي انا اخفيته



يمين الله يالهاجس ان تركد دامنا حيين
.......... الين اعرف خفوقي وش حصل له يوم سريته


أنا بنتٍ على النيه تموت ولا تجيب الشين
........... مـــربيني كــريمٍ مـات والله بـاقـين صيتـه

والله والف مليون نعم بك وبلي رباك
عز الله قول وفعل
لله درك
يسعدني ان اكون اول من عانق هذه الفاتنه
شاعرتنا على النيه صح لسانك مدد بلا عدد
بصراحه قصيده راقت لي بقوه
مما تحويه من معاني وكلمات ووزن
كل الشكر لاتحافنا بهذه الرائعه
وجديدك منتضر دوما

تحياتي وتقديري