دفــتر جـديـد ..:

بسم الله الرحمن الرحيم

هالابيات هي نتيجة تحدي من احد الاشخاص لالتزام اكبر عدد من القوافي الداخلية

وهاهي بين ايديكم

وانشرها للمرة الاولى

أقول :

دفتر جديد .. وذكريـــــات من حديـــــــد
تبدأ تزيد .. وتـــرفض أني استعيـــــد
بعض القصيــــد اللي دعاني من بعيــد
لجل الصغيــر اللي غلب عزم الكبيــــر

في هالمسا .. نفسي أنسيها عســـــى
تنسى الأسى ..والدفتر اللي ما نســــا
حزن وكسا قلبــي وصوتي اكتســـــا
نبرة أثير .. و هالصــدى لـي ما يثيــــر

علم وعمل .. نظرة تناسـب مكتمــــــل
لابطــا شمـل .. وليــا تجـــدد اكــتمـــل
يمكن أمل .. لــكن غــريب انـه أمــــل
يمكن مصير النــاس يحتـاجـه كثيـــــر

الشعر إبا .. من شيبته ترجع صبـــــا
مثل الظبا .. يُـقنص بها شرود خبـــــا
مثل الربــا كيف الربــا زوده هبــــــــا
مثل المحيــر ويـا حلو عشب المحيــر

حالة جنون أو فن من بعض الفنــون
يمكن يكون او يمكن اصلا ما يكــون
وزن اللحون انفاسهن عذب السكون
بين الحرير وبيـن عصف الزمهريـــر

اصعـب سؤال .. اللي اجابته السـؤال
وآخر محال انك تواجــه هالمحــــــال
خذ لك مثال الشعر حالة من خيــــــال
دامي صغير ومنبعي هل و غزيـــــــر

خل الغرور وملل الصبــر الصبـــــور
دام القبـور تحضـر اسمـاء الحضـور
وقت المرور ان طاب لك سمه عبور
هذا وزيـر وذاك انــا اعرفـه اميـــــر

تزرع جمـر .. تحصــد رمــاد منتثــر
مالــه اثــر غيـر السمــاد المنصـهر
هذي عِـبـر مـن هالزمان المستمــر
وقتـه قصيــر وحاجتـه دايـم تطيـــــر

خل الهوا .. يَسقـِـي زمانك يالـــهـوا
عمري انطوا والقلب منك ما اكتــوا
لك مستوى بين المرض بين الـــدوا
لحنه هدير الموج يبصره الضــــرير

والمشكلة ان العمر " كالسلسـلــة
تستعجله .. لين الوفــاة المرســـلة
هالسلسلة تنفك .. وتبـــدا سلســلة
قبر صغيــر .. وعقبه حساب عسير

ربك رحيـــــــم وعادته نصر الظليـم
ربك حليـــم ولا غضب يصلي حميـم
ياهالسقيم "اعمل لاخرى كي تقيـم"
ثم استخير .. الله يدري وش يصيــر

واعرف تـــرا لو غبت يلحقك السرا
واعرف تــرا هالناس بيع ومشترى
وش يحتـــرا .. غيــر التخلف للـورا
حتى الحمير تمـــوت ما ذاقت شعير

أول زمـان .. الناس تفـقـد للأمـــان
بس الضمان الكلمة اللي باللســان
رغم الامان اليوم يكذب هاللســـان
اضحى الفقير يلملم الجرح الخطـير

ليه الفقيــر ؟ أدري ولا غير الفقير
لنه يغير أو كيف أصبــــح هو فقير
لأن الكثير يـحارب الفــكر النـّـوِيْـر
هذا الـ يصير .. أكذب .. حشا (( ماني وزير ))

نـايف يوسف الشمري
26\ 3 \ 1431 هـ
13 \ 3 \ 2010 م

والسلام عليكم