هنآ القصآئــد الشعريه لشعرائنآ المطروحه للمسابقه ..افضل قصيده

[frame="10 95"]
ياصاحبي لا تجهلك بعض السوالف والامور

ميز مكانك بين ترتيب المراجل والرجال

اخلاقنا سلعه وكلن سلعته يمكن تبور

والفاهم اللي ما يغير من جديده للسمال

خلك صبور يقال ياطيب الرجل هذا صبور

لاتعجلك بعض الامور ولاتعاند بالفعال

خلك فطين تعدك العالم من اعداد الصقور

حرن اليا منه شلع مايترك لغيره مجال

خلك مثل علو الجبل دايم على العليا غيور

مكاسبك طيب ومراكيك على صفر الدلال

وانا عضيدك من زمانك او صواديف الدهور

اقلط على الجزله مع الصعبه ولا ارضى بالهزال

والحين ابي اعطيلك بطاقه من بطاقات العبور

ما بعدها ياصاحبي شين يعد ولا يقال

اما تعرف اللي قصدته من تراكيب السطور

والا خيالن تتركه من ضمن من يترك خيال..
[/frame]