اهـ الى سمو الاميرة الدكتورة ملكة سعود الفرحان الباشا ـداء

اهدي هذه القصيدة المتواضعه امام
شموخ سمو الاميرة

ملكة السعود الفرحان الباشا الجربا

حرم خادم الحرمين الشريفين الملك عبدالله بن عبدالعزيز

حفظه الله ورعاه

رد الجميل لـ دعوتها الكريمه

مدخل

[poem=font="simplified arabic,6,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

كيف ابتدي في وصف بنت الرجاجيل=فيها اجتمع الطيب مع الاصاله

شبه الثريا منوره عتمة الليل=بعالي السما نرعاه وصعب(ن)مناله

هي مهرة(ن)تبرز على جملة الخيل=رفيعة الانساب صنعا السلاله

هي الربيع اللي على ضفة النيل=ونسايم الغربي وهبايب شماله

هي دلة القهوة مع ريحة الهيل=وهي الفرات العذب صافي زلاله

هي جوهر الناريز هي شيخة الجيل=يستاهله القرناس راعي الجلاله

بعد المحل هي ريفنا والمحاصيل=مثل القمر يضفي علينا خياله
[/poem]

القصيدة

[poem=font="simplified arabic,6,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سلام يابنت الشرف نسل الاجواد=بنت الشيوخ اللي عريب(ن)جدوده

شوق المليك اللي على الطيب معتاد=صقر العرب وقت الموازم يقوده

ملكة اساس الجود للخير ميعاد=يادرة(ن)بالكون نادر وجوده

يلي السعد في حضرتك حي يزداد =مثل المزون اللي تبارق رعوده

ماشفت انا مثلك معا كل الابداد=الوافيه اللي تنفذ وعوده

ريف اليتاما ترهي المال والزاد=حتى الكرم ملكة بعطاها تزوده

يانخوة المضيوم ومن جاك نشاد=يافرحة الينخاك وعزه وزوده

انتم نسل فرحان هامات واسياد= نبراس شمر والطنايا سنوده

وعبدالكريم اللي هزم جمع الاضداد= الترك حاربها وذبح جنوده

اللي حكموا من نجد لـ ,, حدود بغداد=وارض الجزيره مع قراها ونفوده

تاريخ حافل بالشجاعه والامجاد=مثل جبل سنجار عسرٍ صعوده

وسعود اللي للمعادين مرصاد=شيخ ٍ شهر صيته وشمر شهوده

ونواف ذيبٍا بالمهمات رداد= اثبت لنا وقت المصاعب صموده

باشات في يوم الوغى عز واسناد=رجال المنايا وبالمعاره اسوده
[/poem]

مخرج

[poem=font="simplified arabic,6,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

انتي الفخر وفوق الفخر اسمك ينوف =يملهمه افكاري وقمة افراحي

فيك الشعر ينساب وتثني له احروف=ونهدي قصائد للأميرة ملاحي

صيتك لفا من دار حايل مع الجوف=مثل شعاع الشمس منور الصباحي

اعد انا الايام لـ ,, شوفتك ملهوف=حيثك امل دنياي وبلسم جراحي

يلي كسبتوا المدح بالطيب وسيوف= وهزمتوا العدوان بكل النواحي

ورباعكم ملفا مسايير وضيوف=كسارة الطابور طيور الفلاحي

قلته وانا من لابتن ترعب الخوف=نسل الطنايا مدللين الرماحي
[/poem]

وســــلامتكم

بقلم

الشمريه المجهوله