العيد مر وكل حيٍ تعيّد

متواضعه بين اياديكم
ونقدكم يسعدني لو هناك نقص بالقصيده

[poem=font=",6,orangered,normal,normal" bkcolor="black" bkimage="" border="double,4," type=0 line=0 align=center use=ex num="0,black""] العيد مر وكل حيٍ تعيّد=ياهيه ليه اليوم ما شفت عيدي
وش حال قلب اللي بقلبي تقيّد=اللي عليه اشفق وحبّه يزيدي
اللي بدربه دوم رجلي تسيّد=دايم على دربه ومربوط قيدي
مدري وش اللي في حياتي محيّد=لا طاح حيده لا ولا طاح حيدي
يا صاحبي حبّك بقلبي تشيّد=طول الغياب اليوم وش هو يفيدي
والبعد نار البعد يا صاح كيّد=فعله بقلبي ياحياتي شديدي
احلف بربّي انت هاليوم سيّد=يا فرحتي لا قلت شوفوه سيدي
كثر الغياب اليوم يمكن يبيّد=ذاك الغرام اللي مشى في وريدي
عوّد ترى نار(ن) بقلبي تقيّد=ما ينفعك كثر الولع يالرّغيدي
عاجبك حال اللي لحاله وحيّد=ما همّه الا وش تبي وش تريدي
وش صاب قلبك ما شي(ن) به شديّد=ما كنّه اللي شايل(ن)عطف ميدي
شفني انا للحين ماني معيّد=شفني انا لليوم ما شفت عيدي
[/poem]

بنت القصيد
القــاسميه